बारामती : येथील कै.रामचंद्र भिसे (गुरुजी) वैद्यकिय प्रतिष्ठानच्या वतीने देहू ते पंढरपूर पालखी मार्गावर आषाढी वारीत श्री संत तुकाराम महाराज पालखी सोहळयातील वारकऱ्यांसाठी श्रीमती सोनियाजी राजीवजी गांधी फिरता मोफत दवाखाना ही सुविद्या उपलब्ध करुन दिली जाणार आहे. प्रतिष्ठानचे अध्यक्ष डॉ.विजय भिसे यांनी ही माहिती दिली. 20 जुन 2022 रोजी संत तुकाराम महाराज पालखीचे प्रस्थान होणार आहे. देहू ते पंढरपूर मार्गावर या पालखी सोहळयातील वारकऱ्यांसाठी मोफत आरोग्य तपासणी व औषधोपचार करण्यात येणार आहे.

यंदाही वारक-यांना रुग्णवाहिका सेवा पुरविण्यात येणार आहे. त्याचबरोबर पालखी मार्गावर मोफत तपासणी व औषधोपचार करणाऱ्या संस्थांना औषधांची मदत केली जाणार आहे. ज्या दानशूर व्यक्तिंना यात सहभागी व्हायचे असेल त्यांनी डॉ.विजय भिसे यांच्याशी 9325330624 या क्रमांकावर संपर्क साधावा असे आवाहन करण्यात आले आहे. कै.रामचंद्र भिसे (गुरुजी ) वैद्यकिय प्रतिष्ठानचे या जनसेवेच्या उपक्रमाचे हे अखंड 22 वे वर्ष असुन या उपक्रमातील पथकात डॉ.अप्पा आटोळे व डॉ.योगेश पाटील, राजेंद्र गायकवाड हे मदतनीस सहभागी होणार आहेत.