Pune Traffic Updates in Marathi: गेल्या काही वर्षांपासून शिवाजीनगर-हिंजवडी मार्गाच्या मेट्रोच्या कामाचा पुणेकरांना होणारा त्रास आता असह्य होत आहे. या कामामुळे रस्त्याची बिघडलेली अवस्था आणि वाहतूक कोंडी नित्याचीच झाली आहे. आता आजही सकाळी सहापासून पुणेकर विद्यापीठी चौकात वाहतूक कोंडीचा सामना करत आहेत.

बरोबर विद्यापीठाच्या प्रवेशद्वारासमोर मेट्रोच्या कामासाठी बांधलेल्या कमानीवरील जाळीत लोखंडाचे साहित्य पडल्याने ही जाळी रस्त्यावर आली होती. त्यामुळे विद्यापीठाच्या प्रवेशद्वारापासून ते जवळपास शिवजीनगर पर्यंत वाहनांच्या रांगाच रांगा लागल्या होत्या.

दरम्यान या प्रकरणी अधिकची माहिती अशी की, शिवाजीनगर-हिंजवडी मेट्रो मार्गाचे सध्या काम सुरू आहे. यामध्ये पुणे विद्यापीठाच्या प्रवेशद्वारासमोर या कामासाठी एक कमान उभारण्यात आली आहे. त्यामुळे वाहनचालकांच्या सुरक्षेसाठी त्या कमानीला नेट लावली होती. दरम्यान आज पहाटे या नेटमध्ये काहीतही लोखंडी नेट पडल्याने ती नेट रस्त्यावर आली. अशात पहाटे सहापासून या मार्गावरील वाहतूक खोळंबली होती.

प्रवाशी नाश्ता करून आले तरी गाडी जागची हालेना

दरम्यान आज निर्माण झालेली ही वाहतूक कोंडीमुळे इतकी भयंकर होती की, पीएमपीएलच्या बसमधील अनेक प्रवाशी नाश्ता करुन आले तरी बस जागची हालली नव्हती.

यावेळी या कोंडीमुळे बसमधील प्रवाशांसह रस्त्यावरील दुचाकी, चारचाकी वाहनचालकही संतापले होते.

दरम्यान शिवाजीनगरहून औंध-बाणेरकडे जाणाऱ्या मार्गावरील कोंडी काही प्रमाणात कमी झाली आहे. मात्र, बाणेरहून शिवाजीनगरकडे जाणाऱ्या मार्गावर अजूनही कोंडी पाहायला मिळत आहे.