पुणे - माजी राष्ट्रपती प्रणव मुखर्जी यांच्या निधनामुळे गुरूवारी (ता.६)  होणारा सावित्रीबाई फुले पुणे विद्यापीठाचा दिक्षांत समारंभ स्थगित करण्यात आला आहे. पुढील तारीख लवकरच कळविली जाईल, असे विद्यापीठ प्रशासनाने कळविले आहे.  प्रवण मुखर्जी यांच्या निधनामुळे राष्ट्रीय दुखवटा जाहीर करण्याच आला आहे.  त्यामुळे हा समारंभ स्थगित करण्यात आला आहे.

ताज्या बातम्यांसाठी डाऊनलोड करा ई-सकाळचे ऍप

हा समारंभ गुरुवार दिनांक (ता.३) संध्याकाळी ४. ३० वाजता ऑनलाईन पद्धतीने होणार होता. यामध्ये राज्यपाल  भगतसिंह कोश्यारी, फोर्ब्स मार्शल प्रा. लि. चे सह अध्यक्ष डॉ. नौशाद डी. फोर्ब्स हे प्रमुख अतिथी ऑनलाईन पद्धतीने उपस्थित असणार होते. २०१८-१९ मध्ये व तत्पूर्वी उत्तीर्ण झालेल्या विविध विद्याशाखांमधील पदवी व पदव्युत्तर स्तरावरील एकूण ७ हजार ३५  विद्यार्थ्यांना पदवी प्रमाणपत्रे वितरीत करण्यात येणार आहेत. त्यापैकी १०४ पीएच. डी. पदवी प्रमाणपत्रासाठी अर्ज केलेले विद्यार्थी आहेत. सदर पीएच. डी. विद्यार्थ्यांपैकी ७ विद्यार्थ्यांना पदवी प्रदान समारंभात पदवी प्रमाणपत्र प्रदान करण्यात येणार आहे. सध्या कोरोना महामारीच्या प्रादुर्भावामुळे सर्व विद्यार्थ्यांना त्यांनी अर्जात नमूद केलेल्या पत्त्यावर पुढील १५ दिवसातमध्ये पोस्टाद्वारे पदवी प्रमाणपत्र पाठविण्यात येणार आहेत.

जगभरातील इतर बातम्या वाचण्यासाठी येथे क्लिक करा