वालचंदनगर : जंक्शन व शेळगाव ( ता.इंदापूर) येथे दोन वेगवेगळ्या ठिकाणी झालेल्या अपघातात तिघांचा मृत्यू झाल्याची घटना घडली आहे.आज सोमवार (ता.३) जंक्शनमध्ये कळस रस्त्यावरील खर्जुलवस्तीवर ९ वाजण्याच्या चारचाकी गाडीने सायकलस्वाराला पाठीमागून धडक दिल्याने झालेल्या अपघातामध्ये मारुती उर्फ लालासाहेब शंकर धातुंडे (वय ५२,रा.भरणेवाडी) यांचा जागीच मृत्यू झाला.
अपघातानंतर चालक चारचाकी वाहनासह पळून गेला. शेळगावामध्ये सकाळी दहा वाजण्याच्या सुमारास क्रेन व दुचाकी यांच्यामध्ये झालेल्या अपघातामध्ये बाबुराव जगन्नाथ कोकरे (वय ७०),व संजय रखमाजी कुंभार (वय ४९, रा. दोघे टाकळी ता. माढा जि.सोलापूर) यांचा मृत्यू झाला आहे.बाबुराव कोकरे हे पाटस
येथील साखर कारखान्यामधील सेवानिवृत्त कर्मचारी असून पेन्शनच्या कामासाठी दुचाकीवरून पाटसकडे निघाले असताना शेळगाव मध्ये क्रेन चालकाची क्रेन भरधाव वेगाने विरुद्ध दिशेने आल्यामुळे समोरासमोर अपघात झाला. याप्रकरणी वालचंदनगर पोलिस ठाण्यात गुन्हा दाखल करण्याचे काम सुरु होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.