बिबवेवाडी : स्वामी विवेकानंद मार्गावरील अनेक बस थांबे गायब झालेले असून प्रवाशांना ऊन पावसात रस्त्यावर उभे राहून बस ची वाट पहावी लागत आहे. विवेकानंद मार्गाच्या दोन किलोमीटर लांबी मध्ये दहा बस थांबे असून त्यातील शहरात जाणाऱ्या व येणाऱ्या दोन्ही बाजूकडील सहा बस थांबे गायब आहेत.

विवेकानंद रस्त्याचे सिमेंट काँक्रीटीकरण चे काम सुरू असताना काही बस थांबे काढले आहेत ते अद्याप बसवलेले नाही, मार्गाच्या सुरवातीचा स्वारगेटहून बिबवेवाडीकडे जाणाऱ्या प्रेम नगर सोसायटी, बिबवेवाडी गावठाण, इंदिरा नगर, अप्पर कमान, अप्पर शेवटचा बस थांबा तर बिबवेवाडीहून स्वारगेटला येताना इ एस आय हॉस्पिटलचा बस थांबा गायब आहे.

बिबवेवाडीतून दररोज पंचवीस हजार प्रवासी शहरात जाणाऱ्या सात मार्गावरील बस मधून प्रवास करतात. शिवाजी नगर, पुणे स्टेशन, निगडी, कोथरूड, एन डी ए गेट, संगमवाडी याठिकाणच्या मार्गावर बस धावतात, परंतु बस थांबे नसलेल्या ठिकाणच्या प्रवाशांना उन्हात, पावसात थांबावे लागते. सुरेखा घुले ( प्रवासी, अप्पर ) : इ ऐस आय हॉस्पिटलमधून शहरात किंवा ओपीडी साठी सांगवी ला जावे लागते, परंतु येथे बस थांबा काढल्यामुळे रस्त्यावर थांबावे लागत आहे.

चिराग कदम ( विध्यार्थी प्रवासी ) : अप्पर बस डेपोतून बस येताना फुल्ल होऊन येतात त्यामुळे बस डेपोला जाऊन बस पकडावी लागते, परंतु बिबवेवाडी गावठाणाचा बस थांबा काढल्यामुळे बस कोठे थांबेल याचा नियम नसतो रस्त्यावर जाऊन बस पकडावी लागते.

दत्तात्रेय झेंडे ( वाहतूक व्यवस्थापक, पीएमपीएल ) : लोकप्रतिनिधी च्या निधीतून अथवा बीओटी तत्वावर बस थांबे तयार करण्याचा विचार सुरू असून लवकरच त्यानुसार बस थांबे लावले जातील.