उंड्री : आठवड्यातून एक दिवस मोबाईल न वापरण्याचा संकल्प केला आहे. या उपक्रमाला पालक-विद्यार्थी आणि कर्मचाऱ्याकंडून उत्तम प्रतिसाद मिळत आहे, असे, प्राचार्य निलेश उके यांनी सांगितले.

पिसोळी (ता. हवेली) येथील ट्रीनिटी अँकॅडमी ऑफ इंजिनिअरिंगचे संस्थापक अध्यक्ष कल्याण जाधव आणि निवृत्त कार्यकारी संचालक मेजर जनरल समीर कल्ला या नो मोबाईल डे उपक्रमाची संकल्पना दिली.

प्राचार्य उके म्हणाले की, अलीकडे मोबईलचा अति वापर होत असून, मोबाईल मानेवर धरून एका हाताने गर्दी, भर चौकात दुचाकी दामटली जात आहे. त्यामुळे अपघाताचा धोका वाढला असून, त्यावर पोलिसांकडून कारवाई केली जात आहे.

मात्र, तरीसुद्धा वाहन चालविताना मोबाईल वापराचे प्रमाण कमी होण्याऐवजी वाढत असल्याने नो मोबाईल हा उपक्रम सुरू केला आहे. पालकांनाही याविषयी माहिती दिली आहे, त्यामुळे पालकही मोबाईलवर संपर्क साधत नाहीत. अति महत्त्वाचे काम असेल, तर महाविद्यालयातील दूरध्वनीचा वापर करीत असल्याचे त्यांनी सांगितले.