येडगाव (ता. जुन्नर) धरणाच्या जलाशयात इशान आखिल कढि (राहणार अल्फा बिल्डींग, मेघविहान सोसायटी, पंढरीनगर, हांडेवाडी चौक, पुणे) या पाच वर्षाच्या मुलाचा बुडून मृत्यू झाला.
नारायणगाव - येडगाव (ता. जुन्नर) धरणाच्या जलाशयात इशान आखिल कढि (राहणार अल्फा बिल्डींग, मेघविहान सोसायटी, पंढरीनगर, हांडेवाडी चौक, पुणे) या पाच वर्षाच्या मुलाचा बुडून मृत्यू झाला. ही दुर्दैवी घटना आज दुपारी दोन वाजण्याच्या सुमारास घडली.अशी माहिती सहायक पोलीस निरीक्षक पृथ्वीराज ताटे यांनी दिली.
या बाबत ताटे म्हणाले, आळेफाटा(ता.जुन्नर) येथील डॉ. राजेंद्र शामराव धांडे यांच्या समवेत पुणे येथील अखिल भरतकुमार कढि व त्यांचे तीन मित्र सहकुटुंब आज दुपारी दोन वाजण्याच्या सुमारास येडगाव धरण जलाशयाजवळ फिरण्यासाठी गेले होते. जेवण झाल्या नंतर अखिल कढि हे मुलगा इशान (वय-५) याला खांद्यावर घेऊन जलाशयात उतरले. दरम्यान अंदाज न आल्याने खडकावरून त्यांचा पाय घसरल्याने ते पाण्यात पडले. या वेळी इशान (वय-५) पाण्यात पडून बुडून खोल पाण्यात वाहत गेला.
धरण परिसरात मासेमारी करणाऱ्या तरुणांनी सुमारे अर्ध्या तासाच्या प्रयत्नानंतर इशानला बाहेर काढले. दरम्यान नारायणगाव ग्रामीण रुग्णालयातील डॉक्टरांनी त्याला मृत घोषित केले. या पूर्वीही आशा घटना घडल्या आहेत. येडगाव (ता. जुन्नर) धरण जलाशय परिसरात फिरण्यास परवानगी नाही. धरण परिसरात चोवीस तास बंदोबस्त आहे.परवानगी नसताना सुद्धा नागरीक सुट्टीच्या दिवशी फिरण्यासाठी येत असतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.