पुणे शहरातील कारागृहातुन मोठी बातमी समोर आली आहे. येरवाडा कारागृहात दोन गटात तुफान राडा झाला आहे. वर्चस्व वादातून हा राडा झाल्याची माहिती समोर येत आहे. या प्रकरणी येरवाडा पोलिसांनी 16 कारागृहातील कैद्यांविरोधात गुन्हा दाखल केला आहे. (Latest Marathi News)

या घटनेमुळे शहरातील कारागृह कैद्यांसाठी सुरक्षीत राहिले नाही का? असा प्रश्न निर्माण झाला आहे, पूर्ववैमनस्यातून दगड, पत्रा घेऊन एकमेकांना मारहाण केली आहे. या हाणामारी प्रकरणात गालफोडे टोळीचा सहभाग होता. काही दिवसांपूर्वी येरवडा कारागृहात कैद्यांमध्ये हाणामारी झाली होती. त्याची पुनरावृत्ती पुन्हा झाल्यामुळे कारागृहातील सुरक्षा व्यवस्थेवर प्रश्नचिन्ह निर्माण झाले आहे.(Latest Marathi News)

मिळालेल्या माहीतीनुसार, येरवाडा कारागृहात वर्चस्व वादातून कैद्यांच्या दोन गटात तुफान हाणामारी झाली आहे. या राड्याप्रकरणी पोलिसांकडून येरवडा कारागृहातील 16 कैद्यांविरोधात गुन्हा दाखल करण्यात आला आहे. सर्कल तीन जवळ असलेल्या बॅरक आठ जवळ कैद्यांमध्ये तुफान हाणामारी झाली आहे. या घटनेमुळे काही काळ कारागृहात गोंधळाचं वातावरण निर्माण झालं होतं.(Latest Marathi News)

तर 2700 कैद्यांची क्षमता असणाऱ्या येरवाडा कारागृहामध्ये सध्या 9 हजारांपेक्षा अधिक कैदी आहेत. कारागृहात क्षमतेपेक्षा अधिक कैद्यांना ठेवल्यामुळे अनेक कैद्यांवर जीवघेणे हल्ले होत आहेत. तसेच कारागृहात वारंवार मोबाईल फोन आणि इतर साहित्य मिळण्याच्या घटनांमध्ये देखील मोठी वाढ झाली आहे.(Latest Marathi News)

मेहबूब फरीद शेख ,अनुराग परशुराम कांबळे, शुभम गणपती राठोड, रोहित चंद्रकांत जुजगर, रुपेश प्रकाश आवाडे, विशाल समाधान खरात ,आकाश उत्तम शिनगारे, सुरज प्रकाश रणदिवे, किरण रमेश गालफाडे ,गणेश वाघमारे, मुकेश सुनील साळुंखे, सचिन शंकर दळवी, विजय चंद्रकांत विरकर, प्रणव अर्जुन रणधीर आणि प्रकाश शांताराम येवले या कारागृहातील कैद्यांमध्ये तुफान राडा झाला आहे.(Latest Marathi News)