पुणे : पुणे जिल्ह्यातील संभाव्य संशयित कोरोना रुग्णांवर उपचार करण्यासाठी मुळशी तालुक्यातील लवळे येथील सिंबायोसिसचे रुग्णालय उपलब्ध करून द्यावे, अशी मागणी पुणे जिल्हा परिषदेने राज्य सरकारकडे केली आहे. याबाबतचा प्रस्ताव सरकारकडे पाठविण्यात आला आहे.
हा प्रस्ताव मंजूर झाल्यानंतर पुणे जिल्ह्याच्या पश्चिम भागातील संभाव्य रूग्णांवर या रुग्णालयात उपचार करणे सोयीचे होणार असल्याचे जिल्हा परिषदेचे मुख्य कार्यकारी अधिकारी आयुष प्रसाद यांनी रविवारी (ता.२८) सांगितले. या रुग्णालयात स्वतंत्र विलगीकरण कक्ष आणि अतिदक्षता विभागात ३० खाटांची सुविधा उपलब्ध करून देण्याची मागणीही या प्रस्तावाद्वारे करण्यात आली आहे. यामुळे मुळशी, मावळ, भोर आणि वेल्हे या तालुक्यातील संशयित कोरोना रुग्णांवर उपचार करता येणार आहेत.
दरम्यान, आयुष प्रसाद यांनी रविवारी लवळे आणि हिंजवडीला भेट दिली. हिंजवडीत अनेक आयटी कंपन्या कार्यरत आहेत. परिणामी या भागात परदेशातून येणाऱ्या प्रवाशांची संख्या मोठी आहे. त्यामुळे जिल्हा परिषदेच्या वतीने येथे विशेष दक्षता घेण्यात येत आहे. यानुसार हा भाग कोरोना नियंत्रित क्षेत्र (बफर झोन) म्हणून जाहीर करण्यात आला असल्याचेही प्रसाद यांनी स्पष्ट केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.