धायरी : पुणे शहरासह उपनगरांतील विविध भागात महागड्या स्पोर्टस बाईक चोरणाऱ्या तीन तरुणांना सिंहगड रस्ता पोलिसांनी परभणी व बीड जिल्ह्यात अटक करण्यात आली. त्यांच्याकडून 10 स्पोर्टस बाईक हस्तगत केल्या आहेत.
ताज्या बातम्यांसाठी डाऊनलोड करा, ई-सकाळचे ऍप
शुभम राजेंद्र राठोड (वय 21, रा. सिद्धिविनायक सोसायटी, फ्लॅट नं. 11, जांभूळवाडी, आंबेगाव), आकाश कैलास देवकाते (वय 24, रा. आंबेगाव) व आकाश ऊर्फ अंश दत्तमिलन घिरटकर (वय 20, रा. ऍक्टिव्ह फाउंडेशन बिल्डिंग, जांभूळवाडी, आंबेगाव) अशी अटक केलेल्या संशयितांची नावे आहेत. ते मौजमजेसाठी गाड्या चोरत असल्याचे उघडकीस आले आहे.
अजित पवार म्हणतात एकमत होत नसेल तर सर्वांनी राजीनामे द्या
गेल्या काही दिवसांपासून सिंहगड रस्ता पोलिस ठाण्याच्या हद्दीत वाहनचोरांनी धुमाकूळ घातला होता. दहा दिवसांत सहा दुचाकी गायब झाल्या होत्या. त्यामुळे स्थानिक रहिवासी हतबल झाले होते. काही ठिकाणचे सीसीटीव्ही फुटेज मिळूनही चोर सापडत नव्हते. त्यामुळे सिंहगड रस्ता तपास पथकाचे अधिकारी व कर्मचाऱ्यांसमोर वाहनचोर शोधण्याचे आव्हान निर्माण झाले होते.
दरम्यान, पोलिस कर्मचारी श्रीकांत दगडे व पुरुषोत्तम गुन्ला यांना मिळालेल्या माहितीवरून तसेच सीसीटीव्हीच्या आधारे तिघेजण परभणी व बीडमध्ये असल्याचे समजले. त्यानंतर पोलिस उपायुक्त पौर्णिमा गायकवाड, वरिष्ठ निरीक्षक नंदकिशोर शेळके यांच्या मार्गदर्शनाखाली सहायक निरीक्षक चेतन थोरबोले, उपनिरीक्षक सुधीर घाडगे, कर्मचारी दत्ता सोनवणे, हरीश गायकवाड, दयानंद तेलंगे पाटील, सचिन माळवे, रफिक नदाफ, योगेश झेंडे, बालाजी जाधव, किशोर शिंदे यांनी वाहनचोरांना बीड व परभणी येथे अटक केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.