Paduka Darshan Sohala 2024 : ‘श्रीगुरू पादुकादर्शनाच्या उत्सवा’साठी नागरिकांना पुण्यातून नवी मुंबईत उपस्थित राहता यावे, यासाठी ‘पर्पल मेट्रोलिंक’ने सवलतीच्या दरात सशुल्क एसी बससेवा उपलब्ध करून दिली आहे.

मंगळवार (ता. २६) आणि बुधवारी (ता. २७) ही सेवा पुणे शहरातून उपलब्ध असेल. त्यामुळे नागरिकांना श्रीगुरूंच्या पादुकांचे दर्शन घेऊन पुण्यात वेळेत परतणे शक्य होणार आहे. या दोन दिवसांच्या उत्सवात सहभाग घेण्यासाठी राज्याच्या विविध भागांतून नागरिकांना येणार आहेत. तसेच पुण्यातूनही विविध मंदिरांचे पदाधिकारी, गणेश मंडळांचे कार्यकर्ते, शैक्षणिक संस्थांचे प्रतिनिधी, भजनी मंडळ, कीर्तनकार आदी विविध स्तरांतील नागरिक दर्शनासाठी नवी मुंबईत जाणार आहेत.

ज्या नागरिकांकडे वाहन व्यवस्था नाही, त्यांच्यासाठी ‘पर्पल मेट्रोलिंक’तर्फे बससेवा उपलब्ध करून देण्यात आली आहे. पुण्यातून बस वाशी प्लाझा येथे नागरिकांना सोडेल. तेथून सिडको एक्झिबिशन सेंटर अगदी जवळच आहे.

हे लक्षात ठेवा

- कधी - २६ आणि २७ मार्च रोजी

- वेळ - पुण्यातून सकाळी सात वाजल्यापासून दर तासाला, नवी मुंबईतून पुण्यात येण्यासाठी रात्री आठपर्यंत

- शुल्क - जाऊन- येऊन प्रतिमाणशी ५०० रुपये भाडे

- पुण्यातून कोठून बस सुटणार - स्वारगेट (मित्रमंडळ चौक), कोथरूड (मोरे विद्यालयापासून), वाकड (शनी मंदिराजवळ, इंदिरा कॉलेज समोर)

- वाशीहून कोठून बस सुटणार - वाशी प्लाझापासून

- बस प्रवासासाठी संपर्क - पर्पल मेट्रोलिंक (कोथरूड ऑफिस) - ९११२४४७४७४, ०२०- २५४४२६४०