राहू : मेंढ्यांसाठी वाघर (जाळी) लावण्याचे काम करत असताना अचानक अंगावर वीज कोसळून राहू (ता.दौंड) येथील ग्रामपंचायतीच्या कार्यक्षेत्रातील देशमुख वस्ती / भरणे वस्ती येथे आज शुक्रवारी (ता. १ ) सायंकाळी सहा वाजण्याच्या सुमारास अंगावर वीज पडून सचिन आबासाहेब क-हे (वय 18) वर्ष (मूळ राहणार राख ता. पुरंदर, जिल्हा. पुणे) असे मृत्युमुखी पडलेल्या मेंढपाळ तरुणाचे नाव आहे . या घटनेमुळे परिसरात एकच हळहळ व्यक्त होत आहे मिळालेल्या माहितीनुसार क-हे यांचा मेंढ्यांचा वाडा देशमुख वस्ती नजीक भरणे वस्ती येथे मुक्कामी होता.

आज सायंकाळी सहा वाजण्याच्या सुमारास वीजेचा कडकडाट सुरु झाला. त्यावेळी सचिन हा आपल्या मेंढ्यांच्या मुक्कामासाठी वाघर लावण्याचे काम करत होता. त्यावेळी त्याच्या अंगावर अचानक वीज पडल्याने त्याचा दुर्दैवी मृत्यू झाला. येथील ग्रामस्थांनी सचिन याला तातडीने राहू प्राथमिक आरोग्य केंद्रात उपचारासाठी आणले असता येथील डॉक्टरांनी सचिन याला मृत्यू घोषित केले. यासंदर्भात राहूचे पोलीस पाटील सुरेश सोनवणे येथील शेतकरी अंकुशराव भरणे यांचे तत्काळ सहकार्य लाभले. यवत सहाय्यक पोलीस निरीक्षक श्री लोखंडे, बीट आमलदार अजिंक्य दौंडकर यांनी प्राथमिक आरोग्य केंद्र धाव घेतली. मृत्यूदेह शवविच्छेदनासाठी यवत येथील ग्रामीण रुग्णालयात पाठवला आहे. अधिक तपास यवत पोलीस करत आहे . क-हे कुटुंबियाला शासनाने आर्थिक मदत लवकरात लवकर जाहीर करावी अशी मागणी क-हे कुटुंबातील नातेवाईक व येथील ग्रामस्थांकडून होत आहे.