Pune Rain News sakal
पुणे

Pune Rain News : पुण्यात पुन्हा वाढणार पावसाचा जोर

पुणे शहर आणि परिसरात गेल्या दोन दिवसांपासून पावसाचा जोर ओसरला आहे. मात्र येत्या गुरुवारपासून (ता. १) पुढील दोन दिवस पुन्हा मुसळधार पावसाला सुरुवात होईल.

सकाळ वृत्तसेवा

पुणे शहर आणि परिसरात गेल्या दोन दिवसांपासून पावसाचा जोर ओसरला आहे. मात्र येत्या गुरुवारपासून (ता. १) पुढील दोन दिवस पुन्हा मुसळधार पावसाला सुरुवात होईल. घाटमाथ्यावर तुरळक ठिकाणी जोरदार ते अतिमुसळधार पाऊस पडण्याची शक्यता आहे. त्यामुळे गुरुवारपासून तीन दिवस पुणे जिल्ह्याला मुसळधार पावसाचा ‘ऑरेंज अलर्ट’ हवामान खात्याने दिला आहे.

शहरात गेल्या गुरुवारी (ता. २५) चोवीस तासांत ११४.१ मिलिमीटर पाऊस पडला होता. त्यानंतर गेल्या पाच दिवसांत टप्प्याटप्प्याने पावसाचा जोर कमी कमी झाला. या चार दिवसांमध्ये ७६.८ मिलिमीटर पावसाची नोंद झाली. यंदाच्या पावसाळ्यात (१ जून ते ३० जुलै) शिवाजीनगर वेधशाळेत ६१६.७ मिलिमीटर पाऊस पडला आहे. या दरम्यान सरासरी ३२९.९ मिलिमीटर पाऊस पडतो. प्रत्यक्षात मात्र सरासरीच्या तुलनेत यंदा २८६.८ मिलिमीटर पाऊस जास्त पडला असल्याची माहिती हवामान खात्याने दिली आहे.

पुणे जिल्ह्यात येत्या बुधवारी (ता. ३१) पावसाचा ‘यलो अलर्ट’ देण्यात आला आहे. मात्र त्यानंतर पावसाचा जोर जिल्ह्यात वाढेल. गुरुवारपासून पुढील दोन दिवस ‘ऑरेंज अलर्ट’ हवामान खात्याने दिला आहे. जिल्ह्याच्या घाटमाथ्यावर पावसाच्या मुसळधार सरी पडणार असून, शहर परिसरातही पावसाच्या मध्यम सरी पडण्याची शक्यताही वर्तविण्यात आली.

जुलैमधील पाऊस

पुणे जिल्ह्यात १ ते ३० जुलै सरासरीदरम्यान ३००.६ मिलिमीटर पाऊस पडतो. यंदा या दरम्यान ५९४.९ मिलिमीटर पावसाची नोंद झाली आहे. त्यामुळे सरासरीपेक्षा या महिन्यात ९८ टक्के पाऊस पडल्याची माहिती हवामान खात्याने दिली.

हवामान अंदाज

बुधवार (ता. ३१) : आकाश सामान्यतः ढगाळ राहून हलक्या ते मध्यम पावसाच्या काही सरी पडतील. घाटमाथ्यावर तुरळक ठिकाणी खूप जोरदार पाऊस पडेल.गुरुवार (ता. १) : आकाश सामान्यतः ढगाळ राहून हलक्या ते मध्यम सरींची शक्यता असून, घाटमाथ्यावर काही भागात खूप जोरदार ते अत्यंत जोरदार पाऊस पडण्याची शक्यता.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

ESIC New Rules 2026 : कर्मचाऱ्यांसाठी मोठी बातमी! आजारपण आणि प्रसूती लाभांसाठी अर्जाची गरज नाही; पैसे थेट बँक खात्यात जमा होणार

Gadchiroli History: गडचिरोलीच्या घनदाट जंगलात इतिहासाचा खजिना! १६व्या-१७व्या शतकातील ५० वीरगळांचा शोध, शूरवीरांच्या पराक्रमाची शिल्पे उजेडात

IND A vs PAK A: भारत पाकिस्तान सामन्यात टॉसवेळी नेमकं काय घडलं? होत, मॅच रेफ्रींच्या चुकीमुळे वाद, पाकिस्तानी चाहत्यांनी केले आरोप

Water Security 2051 : पुणे महानगर प्रदेशाच्या पाणीपुरवठ्याचे दीर्घकालीन नियोजन; जलसंपदा विभागाचा २०५१ पर्यंतचा जलसुरक्षा आराखडा तयार होणार

Palodwadi Robbery: पालोदवाडीत चार चोरट्यांचा धुमाकूळ; चार घरांवर दरोडा, महिलांच्या गळ्याला चाकू लावून ३.३२ लाखांचा ऐवज लुटला

SCROLL FOR NEXT