पुणे : मनसे अध्यक्ष राज ठाकरे यांची २२ मे रोजी पुण्यात सभा होणार आहे. या सभेआधीच मनसेला गळती लागणार असल्याचं कळतंय. पुण्यातील मनसेचे माथाडी कामगार सेनेचे शहराध्यक्ष निलेश माझीरे मनसे सोडणार असल्याची माहिती समोर आली आहे. ते मनसेतून शिवसेनेत प्रवेश करणार आहेत.

(Nilesh Mazire Resigns MNS)

पुण्यातील मनसे नेते वसंत मोरे यांचे कट्टर समर्थक म्हणून निलेश माझीरे यांची ओळख आहे. ते पुण्यातील मनसेचे माथाडी कामगार सेनेचे शहराध्यक्ष होते. पक्षातील अंतर्गत वाद आणि गटबाजी यामुळे निलेश माझीरे पक्षाला रामराम ठोकणार आहेत. दरम्यान त्यांनी शिवसेनेचे संपर्क नेते सचिन अहिर यांची भेट घेतली आहे.

निलेश माझीरे हे पक्षांतर्गत गटबाजी आणि वादामुळे पक्षाला रामराम ठोकणार आहेत. त्यांनी शिवसेनेचे संपर्कनेते सचिन अहिर यांची भेट घेतली असून ते दोन दिवसांत शिवसेनेत प्रवेश करणार आहेत. दरम्यान वसंत मोरे यांचे अनेक कट्टर समर्थक शिवसेनेत जाऊ लागल्याने मनसेत खळबळ उडाली आहे.

दरम्यान मनसे अध्यक्ष राज ठाकरे दोन दिवसांपूर्वी पुणे दौऱ्यावर आले असताना त्यांनी तब्येतीच्या कारणावरून दौरा अर्धवट सोडला होता. त्यानंतर ते आता पुण्यात २२ मे रोजी सभा घेणार आहेत. त्याआधीच कट्टर कार्यकर्ते सचिन माझीरे मनसेला रामराम ठोकणार असून शिवसेनेत प्रवेश करणार आहेत.

राज ठाकरे हे ५ जूनला आयोध्या दौऱ्यावर जाणार होते पण त्यांनी आयोध्या दौरा तूर्तास स्थगित केला आहे. त्यानंतर पुण्यातील रविवारच्या सभेत आयोध्या दौऱ्यावर राज ठाकरे काय स्पष्टीकरण देणार आहेत याकडे सर्वांचे लक्ष लागलेले आहे.