बालेवाडी, २० : बाणेर- बालेवाडी येथील राजाभाऊ गुडदे फाउंडेशनच्या वतीने जानेवारी प्रजासत्ताक दिनानिमित्त बालविकास- ४ हा उपक्रम कोंढणपुरातील प्राथमिक शाळेत उत्साहात साजरा करण्यात आला. या उपक्रमांतर्गत विद्यार्थ्यांसाठी विविध शैक्षणिक व मनोरंजनात्मक खेळांचे आयोजन केले होते.
गरजू विद्यार्थ्यांना शैक्षणिक साहित्य देण्यात आले. यासाठी फाउंडेशनचे कर्मचारी, इंटेग क्लाऊड्स सॉफ्टवेअर कंपनीचे हुसेफा कमरी, वैभव अंचरवाडकर , सुभाष चौथमल, ब्रह्मदेव भांडवलकर यांनी सहकार्य केले. याच उपक्रमाच्या अनुषंगाने आदिवासी वस्तीला भेट देऊन स्वच्छता, आरोग्य आणि आरोग्यविषयक माहिती देण्यात आली. तसेच गरजू कुटुंबांना ब्लँकेट व टॉर्चचे वितरण करण्यात आले. याशिवाय गोशाळेला भेट देऊन गूळ व चारा देण्यात आला.