पुणे : समस्त माळी समाज आणि महात्मा फुले प्रेमी उत्सव
समितीतर्फे स्त्री शिक्षणाची मुहूर्तमेढ रोवणाऱ्या फुले दांपत्याच्या
सन्मानार्थ येत्या बुधवारी (ता.1 जानेवारी) भिडे वाडा ते समताभूमी महारॅली काढण्यात येणार आहे.

क्रांतिसूर्य महात्मा ज्योतिबा फुले आणि ज्ञानज्योती सावित्रीआई फुले यांनी 1 जानेवारी 1948 ला येथील भिडे वाड्यात मुलींची पहिली शाळा सुरू केली होती. मुलींच्या शिक्षणासाठीची ही ज्ञानज्योत आज देशाला प्रगतिपथावर नेत आहे.

ताज्या बातम्यांसाठी डाऊनलोड करा ई-सकाळचे ऍप

त्यामुळेच दरवर्षीप्रमाणे 1 जानेवारी हा दिवस यंदा देखील फुले
दांपत्य सन्मान दिवस म्हणून साजरा करण्यात येणार असल्याचे माळी महासंघाचे अध्यक्ष अविनाश ठाकरे, रॅलीचे मुख्य संयोजक डि. के. माळी आणि महात्मा फुले
वसतिगृहाचे अध्यक्ष दीपक जगताप यांनी गुरुवारी पत्रकार परिषदेत सांगितले.

यावेळी माजी आमदार कमल ढोले-पाटील, अखिल भारतीय माळी महासंघाचे विश्वस्त राजाराम रायकर, काळूराम अण्णा गायकवाड, मधुकर राऊत, सुधीर पैठणकर, सुनीता भगत, हनुमंत माळी, अखिल भारतीय माळी महासंघाचे अध्यक्ष बी.के. माळी आदी उपस्थित होते.

Video : विश्वास नांगरे-पाटील यांचा 'बाला डान्स' पाहिला का?

महापौर मुरलीधर मोहोळ यांच्या हस्ते सकाळी साडेदहा वाजता रॅलीचे उद्‌घाटन केले जाणार आहे. यासाठी राज्यभरातून कार्यकर्ते येणार आहेत. सजविलेले दोन रथ, लेझीम आणि ढोल पथक यासह फुले विचारांचे फलक असलेले नागरिक या रॅलीत
सहभागी होणार आहेत. भिडे वाड्यापासून निघालेली ही रॅली दगडूशेठ गणपती मंदिर, शिवाजी रस्ता, मंडई चौक, फडगेट पोलिस चौक, पानघंटी चौक, गंजपेठ पोलिस चौकी चौक मार्गे महाराणा प्रताप रस्त्याने फुले वाड्यावर जाणार आहे.

ताज्या बातम्यांसाठी डाऊनलोड करा ई-सकाळचे ऍप