शिक्रापूर (पुणे) : शिरूर तालुक्यातील पाबळ येथील एका अल्पवयीन मुलीवर अश्लिल मोबाईल व्हिडिओ दाखवून बलात्कार केल्याचा धक्कादायक प्रकार उघड झाला आहे. या प्रकरणी दोघांवर बाललैंगिक अत्याचार व बलात्काराचा गुन्हा दाखल करण्यात आला आहे. विशेष म्हणजे ज्याने हे कृत्य केले, तो मुलगा अल्पवयीन असून, त्याची शिरूर न्यायालयाने बालसुधारगृहात रवानगी केली आहे, तर दुसऱ्या आरोपीला पोलिस कोठडी सुनावण्यात आली आहे.   

शरद पवार पुन्हा ठरले चाणक्य

याबाबत पीडित मुलीच्या आईने शिक्रापूर पोलिसांकडे तक्रार दिली आहे. त्यानुसार, 1 ऑगस्ट रोजी संध्याकाळच्या सुमारास त्या शेतमजुरी करून आपल्या घरी आल्या होत्या. त्यावेळी त्या आपल्या अल्पवयीन मुलीवर रागवल्या होत्या. त्यामुळे मुलगी शेजाऱ्यांच्या घरी गेली होती. दरम्यान, रात्री आठच्या सुमारास ती आपल्या घरी परत येत असताना गावातीलच अल्पवयीन आरोपीने मंगेश राजू चव्हाण (वय १९, रा. पाबळ) या त्याच्या मित्राला जवळच्या एका मंदिराच्या बाजूला कुणी येतंय का, असं म्हणून लक्ष ठेवायला लावले. या काळात आरोपीने या अल्पवयीन मुलीला मोबाईलमधील अश्लिल चित्रफिती दाखवून तिच्यावर अत्याचार करून बलात्कार केला. 

राष्ट्रवादीच्या आमदाराकडून सरकारला घरचा आहेर... 

दरम्यान, मुलगी उशीर होऊनही घरी न परतल्यामुळे पीडित मुलीच्या आईने जवळच राहणाऱ्या सागर नामक मुलाला मुलगी सापडत नाही शोध, असे सांगितले. तेव्हा सागर याने सदर गैरप्रकाराची प्राथमिक माहिती दिली. त्यानंतर काही वेळातच मुलगी घरी येऊन रडू लागली. तिने आईला संपूर्ण घटनाक्रम सांगितला.

पुण्याच्या इतर बातम्या वाचण्यासाठी येथे क्लिक करा

दरम्यान, सदर प्रकार पोलिसांना कळविला असता आईच्या तक्रारीवरून अल्पवयीन मुख्य आरोपी व मंगेश राजू चव्हाण या दोघांवर बाललैंगिक अत्याचार व बलात्काराच्या गुन्हा दाखल करण्यात आला. अल्पवयीन आरोपीला न्यायालयाच्या आदेशानुसार बालसुधारगृहात दाखल करण्यात आले असून, मंगेश चव्हाण याला ६ ऑगस्टपर्यंत पोलिस कोठडी सुनावण्यात आली. याबाबतचा अधिक तपास सहायक पोलिस निरीक्षक विक्रम साळूंखे करीत आहेत.