वाघोली : वाढत्या कोरोनाच्या पार्श्वभूमीवर राज्य सरकारने आज पासून कडक निर्बंध लादले. हॉटेल, बार बरोबर सलूनची दुकाने बंद ठेवल्याने वाघोली नाभिक संघटनेने आज दुपारी अचानक पुणे नगर महामार्गावर रास्ता रोको करत निषेध व्यक्त केला. यामुळे काही काळ वाहतूक कोंडी झाली.

सुमारे 100 ते 150 सलून व्यावसायिक जमले होते. अचानक त्यांनी रस्त्यावर येत रास्ता रोको केला. यामुळे वाहतूक कोंडी झाली. लोणीकंद पोलिसानी धाव घेत हा रास्ता रोको थांबविला. यानंतर वाघोली पोलीस चौकी समोर त्यांच्याशी पोलीस निरीक्षक प्रताप मानकर यांनी संवाद साधला. दुकान बंद करून आमचा घास हिरावून घेतला जात असल्याचे या व्यासायिकांनी सांगितले.

हेही वाचा - पुण्यात मास्कची शिस्त मोडणाऱ्या नागरिकांकडून तब्बल २८ कोटींचा दंड वसूल

हेही वाचा - कोरोना रोखण्याच्या उपाययोजनांना राज्यातील जिम चालकांचा एकमुखाने पाठिंबा

कोरोनाचा विस्फोट सध्या झाला आहे. यामुळे शासनाने हे निर्बंध आणले आहे. तुम्हीही सहकार्याची भूमिका घ्या. तुम्ही तुमचे निवेदन द्या. आंदोलन करू नका. मी वरिष्ठ अधिकाऱ्यांशीही बोलतो. अशी विनंती मानकर यांनी व्यावसायिकांना केली. यानंतर त्यांचे प्रतिनिधी वगळता सर्व व्यावसायिक परत गेले. संघटनेच्या वतीने निवेदन देण्यात आले.