पुणे - खास दिवाळीनिमित्त गहू, तांदूळ आणि तूरडाळीबरोबरच रेशनवर जादा साखर, उडीद आणि चणाडाळ उपलब्ध करून देण्याचा निर्णय राज्य सरकारने घेतला आहे. 

सर्वसामान्यांची दिवाळी गोड होण्यासाठी सणासुदीच्या काळात सरकारकडून जिल्हा प्रशासनाला साखरेचा जादा कोटा उपलब्ध करून दिला जातो. त्यानुसार अंत्योदय आणि अन्नसुरक्षा योजनेतील कार्डधारकांना एक किलो साखर, एक किलो उडीदडाळ आणि एक किलो चणाडाळ मिळणार आहे. या डाळी ३५ रुपये किलो दराने उपलब्ध होणार आहेत. यापूर्वी अंत्योदय कार्डधारकांना रेशनवर साखर मिळत होती. दिवाळीत अन्नसुरक्षा कार्डधारकांनाही २० रुपये दराने एक किलो साखर मिळणार आहे. पुढील आठवड्यापासून रेशन दुकानांतून हे अन्नधान्य वितरण होणार असल्याची माहिती अन्नधान्य पुरवठा अधिकारी अस्मिता मोरे यांनी दिली.