पुणे, ता. २ : गतवेळच्या विजेत्या रत्नागिरी जेट्स संघाने महाराष्ट्र प्रीमियर लीग टी-२० क्रिकेट स्पर्धेत सलामीच्या लढतीत कोल्हापूर टस्कर्स संघावर ५४ धावांनी मात करून विजयी सलामी दिली.
गहुंजे येथील महाराष्ट्र क्रिकेट संघटनेच्या मैदानावर रविवारपासून या स्पर्धेला सुरुवात झाली. लढतीपूर्वी रंगारंग कार्यक्रमाने स्पर्धेला सुरुवात झाली. उद्‍घाटनाप्रसंगी ‘एमसीए’चे माजी अध्यक्ष अजय शिर्के, एमसीएचे माजी सचिव रियाझ बागवान, मानद सचिव कमलेश पिसाळ, सहसचिव संतोष बोबडे, खजिनदार संजय बजाज आणि एमपीएलचे चेअरमन सचिन मुळे आदी मान्यवर उपस्थित होते. 
धावफलक :  रत्नागिरी जेट्स- २० षटकांत ६ बाद १७२ (अझीम काझी ४६, धीरज फटांगरे ४२, प्रीतम पाटील ३१, निखिल नाईक नाबाद २५, अभिषेक पवार १२, तरणजितसिंग धिल्लन १-१८, मनोज यादव १-३७, निहाल तूसा मत १-३४) वि. वि. कोल्हापूर टस्कर्स- १८.४ षटकांत सर्व बाद ११८ (अनिकेत पोरवाल ३३, योगेश डोंगरे २४, सत्यजित बच्छाव ३-२३, प्रदीप दाढे २-१७, निकित धुमाळ २-१५).