महुडे, ता. २३ : महुडे बुद्रूक (ता. भोर) येथील रवींद्र गणपतराव बांदल यांची भोर तालुका राष्ट्रवादी काँग्रेसच्या (शरद पवार गट) अध्यक्षपदी निवड झाली आहे. राष्ट्रवादी काँग्रेसचे अध्यक्ष शरद पवार यांच्या उपस्थितीत व राष्ट्रवादी काँग्रेसचे प्रदेशाध्यक्ष जयंत पाटील यांच्या हस्ते त्यांना निवडीचे पत्र दिले. यावेळी खासदार श्रीनिवास पाटील, खासदार सुप्रिया सुळे, भोरचे युवक अध्यक्ष गणेश खुटवड उपस्थित होते.

भोर तालुक्यातील राष्ट्रवादी समर्थक असलेले रवींद्र बांदल हे महुडे बुद्रुक-भानुसदरा गावचे १५ वर्ष सरपंच म्हणून तसेच भोर तालुका राष्ट्रवादी काँग्रेसचे सरचिटणीस म्हणून‌ कार्यरत‌ होते. राष्ट्रवादी पक्ष स्थापनेपासून ते पक्षाचे निष्ठावंत नेते म्हणून तालुक्यात परिचित आहे. तर त्यांच्या पत्नी हेमलता बांदल यांनी भोर पंचायत समितीच्या सभापतींचा कारभार पाहिला आहे. अध्यक्षपदी निवड झाल्याबद्दल सर्व स्तरातून त्यांचे अभिनंदन होत आहे.