तळेगाव ढमढेरे (पुणे) : राज्यातील आश्रमशाळा सुरू करण्यासंदर्भात तीन दिवसात चर्चा करून निर्णय घेऊ, असे आश्वासन राज्याचे विशेष मागास प्रवर्ग कल्याण विभागाचे मंत्री विजय वडेट्टीवार यांनी दिले. 

अमोल कोल्हे म्हणतात, कोरोनाबरोबर राहण्याची तयारी ठेवली पाहिजे

राज्यातील आश्रमशाळा सुरू करावयाच्या असतील, तर शाळांना व संस्थांना द्यावयाच्या आरोग्य व इतर सुविधा किंवा ऑनलाईन शिक्षण पद्धती राबवायची असल्यास विद्यार्थ्यांना द्यावयाच्या सोई-सुविधा यासंदर्भात मंत्री वडेट्टीवार यांना ईमेलद्वारे संघातर्फे निवेदन दिले होते. त्याचा गांभीर्याने विचार करून वडेट्टीवार व संघाच्या कार्यकर्त्यांची बैठक पुण्यात झाली. यामध्ये, राज्यातील शालेय शिक्षण विभागाच्या शाळा सुरू झाल्यानंतरच बहुजन कल्याण विभागाच्या निवासी आश्रमशाळा सुरू करण्यासंदर्भातील निर्णय तीन दिवसात मंत्रालयात सर्व संबंधित अधिकाऱ्यांबरोबर चर्चा करून घेण्यात येईल, असे आश्वासन वडेट्टीवार यांनी दिले. या वेळी स्वराज्य शिक्षक संघाचे प्रदेशाध्यक्ष फत्तेसिंह पवार, उपाध्यक्ष राजेंद्र जगताप व पदाधिकारी उपस्थित होते. 

पेट्रोल डिझेल महागले, जाणून घ्या पुण्यातील दर

राज्यात बहुजन कल्याण विभागाच्या एकूण 973 निवासी आश्रमशाळा असून, यामध्ये 526 प्राथमिक, 296 माध्यमिक व 148 उच्च माध्यमिक आणि 3 ऊसतोड कामगारांच्या मुलांसाठी आश्रमशाळा आहेत. यामध्ये सुमारे 4 लाख 15 हजार विद्यार्थी शिक्षण घेत आहेत. कोरोनाच्या पार्श्वभूमीवर सर्व निवासी आश्रमशाळा सुरू करण्याचे महाराष्ट्र शासनासमोर मोठे आव्हान आहे. राज्यातील आश्रमशाळांमध्ये वि.जा. व भ.ज., इतर मागास प्रवर्ग आणि समाजातील गरीब, कष्टकरी व ऊसतोड मजुरांची मुले शिक्षण घेत आहेत.

पुण्याच्या इतर बातम्या वाचण्यासाठी येथे क्लिक करा

आश्रमशाळेतील निवासी विद्यार्थ्यांचे शैक्षणिक नुकसान होऊ नये व कोरोनामुळे त्यांचे आरोग्य धोक्यात येऊ नये, या पार्श्वभूमीवर पाचवी ते बारावीपर्यंतच्या सर्व विद्यार्थ्यांना शासनाने टॅब उपलब्ध करून द्यावेत, अशी आग्रही मागणी करण्यात आली. या वेळी इतर सर्व प्रलंबित प्रश्‍नांसंदर्भात चर्चा करून प्रश्न सोडविण्यासाठी मंत्र्यांनी आश्वासन दिले असून, त्यासाठी स्वराज्य शिक्षक संघाबरोबर बैठक बोलावणार असल्याचे आश्वासन दिले आहे.