पुणे - राज्य सरकारने मालमत्ता खरेदी-विक्रीसाठी घोषित केलेल्या मुद्रांक शुल्काच्या सवलतीचा लाभ जास्तीत जास्त नागरिकांना लाभ घेता यावा, या उद्देशाने येत्या सोमवारी धूलिवंदनाच्या सुट्टीच्या दिवशीही ग्रामीण भागातील दस्त नोंदणी कार्यालये सुरू ठेवण्यात येणार आहेत. त्यामुळे जिल्ह्याच्या ग्रामीण भागातील सर्व दुय्यम निबंधक (श्रेणी १ व २ सह) कार्यालये नियमित सुरु राहणार असल्याचे मुद्रांक जिल्हाधिकारी (ग्रामीण) डी. पी. पाटील यांनी सांगितले.
या सुट्टीच्या दिवशीच्या कामकाजाचा अधिकाधिक नागरिकांनी लाभ घ्यावा, असे आवाहनही पाटील यांनी केले आहे. जिल्ह्याच्या ग्रामीण भागात सह दुय्यम निबंधक वर्ग २ आणि दुय्यम निबंधक वर्ग २ ची मिळून २१ कार्यालये आहेत. ही सर्व कार्यालये शनिवारी (ता.२७) सुट्टीच्या दिवशीही सुरु ठेवण्यात आली होती. आजच्या सुट्टीच्या दिवशीही नागरिकांचा चांगला प्रतिसाद मिळाला आहे.
- पुण्याच्या बातम्या वाचण्यासाठी येथे ► क्लिक करा
राज्य सरकारने डिसेंबर २०२० ते ३१ मार्च २०२१ या कालावधीतील मालमत्ता खरेदी-विक्री व्यवहारांसाठी मुद्रांक शुल्कात २ टक्के सवलत जाहीर केली आहे. याचा लाभ घेण्यासाठी नागरिकांना धूलिवंदनाच्या सुट्टीच्या दिवशी नेहमीप्रमाणे कार्यालयीन वेळेत दस्त नोंदणी करता येणार आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.