पुणे - शहरातील मोक्‍याचे ठिकाण, मालाच्या साठवणुकीसाठी अद्ययावत गोदाम, माल उतरविणे व भरण्याची सुविधा, वाहनांसाठी प्रशस्त पार्किंग यासह अनेक सुविधा असलेले व्यापाराचे नवीन ठिकाण बिबवेवाडीत निर्माण होत आहे. ‘जयराज ग्रुप’ आणि ‘सॉलिटेअर’ उभारत असलेल्या ‘कोडनेम बाजार’ या प्रकल्पातून होलसेल मार्केटची नवीन संकल्पना अस्तित्वात येणार आहे. 

ताज्या बातम्यांसाठी डाऊनलोड करा ई-सकाळचे ऍप 

गंगाधाम चौकातून हाकेच्या अंतरावर असलेल्या या २२ एकरच्या भव्य प्रकल्पात ५७४ ते १ हजार ५०० चौरस फुटापर्यंतची तब्बल दोन हजार दुकाने असणार आहेत. दोन फेजमध्ये तयार होत असलेल्या प्रकल्पाच्या पहिल्या फेजचे भूमिपूजन शनिवारी झाले. विशेष म्हणजे आतापर्यंत ८५० पेक्षा अधिक दुकानांचे बुकिंगही झाले आहे. हॉटेलिंग, हार्डवेअर, औद्योगिक वस्तू, फर्निचर, कपडे आणि ॲक्‍सेसरीज, ज्वेलरी, औषधे, स्टेशनरी, बेबी प्रॉडक्‍ट आणि इलेक्‍ट्रॉनिक अशा विविध प्रकारची दुकाने या ठिकाणी असणार आहेत. 

पुणे : पत्नीला त्रास देत असल्याच्या संशय; घरमालकाचा गळा चिरून खून

या प्रकल्पाची उभारणी करण्यापूर्वी ‘जयराज ग्रुप आणि सॉलिटेअर’ यांनी बाजारपेठेचे सर्वेक्षण करून मार्केट यार्ड, तुळशीबाग, लक्ष्मी रस्ता, फुरसुंगी यांसह पुणे व पिंपरी-चिंचवड येथील बाजारपेठांचा आढावा घेतला. या सर्व ठिकाणी पार्किंग, स्वच्छतागृह, माल वाहनातून उतरवणे व भरणे अशा समस्या असल्याचे दिसले. या सर्व अडचणी सोडविण्यात वेळ न जाता व्यापाऱ्यांना केवळ व्यवसायात लक्ष देता यावे, या दृष्टीने प्रकल्पाची निर्मिती करण्यात येत आहे. व्यापारवाढीसाठी हा प्रकल्प एक महत्त्वाचा मार्ग ठरेल, अशी खात्री वितरण विभागाचे उत्कर्ष मांगलिक यांनी व्यक्त केली.