तळेगाव ढमढेरे : तळेगाव ढमढेरे (ता. शिरूर) येथे रविवारी सायंकाळी मुसळधार पाऊस झाल्याने परिसरातील अनेक रस्ते जलमय झाल्याने रस्त्यावर मोठे खड्डे पडून दुरवस्था झाली आहे.
- पुण्याच्या बातम्या वाचण्यासाठी येथे ► क्लिक करा
रविवारी मुसळधार पावसामुळे परिसरातील वेळ नदी, ओढे, नाले तुडूंब भरून वाहत आहेत. अनेक शेतातील उभ्या पिकात पाणी साठले आहे, तशेच उंच पिके जमीनदोस्त होऊन शेतकऱ्यांचे नुकसान झाले आहे.
रस्त्यांची दुरवस्था
तळेगाव ढमढेरे येथील खंडोबाचा माळ हा रस्ता पावसाच्या पाण्यामुळे जलमय झाला आहे. तशेच या रस्त्यावर ठिकठिकाणी पाणी साठून मोठे खड्डे पडले आहेत. या रस्त्याची अनेक वर्षापासून दुरवस्था झाली असून त्वरित दुरुस्ती करावी अशी मागणी ग्रामस्थांनी केली आहे.
आरोग्य सुविधांचे ‘ऑपरेशन’ गरजेचे!
दरम्यान, तालुक्यातील तळेगाव ढमढेरे, धानोरे, विठ्ठलवाडी, कासारी, कोंढापुरी, टाकळी भीमा, निमगाव म्हाळुंगी, खंडाळे, पिंपरी दुमाला, रांजणगाव गणपती, करंजावणे, भांबर्डे या गावातही पाऊस झाला असून, रस्त्याची दुरवस्था झाली आहे. तशेच या परिसरातील उंच
पिकांचे पावसामुळे नुकसान झाले आहे.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.