पारगाव (पुणे) : आंबेगाव तालुक्यातील पहाडदरा येथे शनिवारी (ता. 5) सायंकाळी झालेल्या जोरदार पावसामुळे येथील जिल्हा परिषद प्राथमिक शाळेचे नव्याने बसवलेले पत्र्याचे छत कोलमडून पडले आहे. दिड महिन्यापूर्वीच छत बसवले होते.
पहाडदरा येथील प्राथमिक शाळेच्या जुन्या इमारतीला दिड महिन्यापूर्वीच जिल्हा परिषदेने नव्याने पत्र्याचे छत बसवले होते. संबधित ठेकेदाराने शाळेच्या पुढील व्हरांड्याचे जुने लाकडी खांब तसेच ठेऊन त्यावर पत्रे बसवले होते. शनिवारी झालेल्या वादळी पावसाने शाळेचे पुढील बाजूचे छत कोलमडून पडले आहे.
याबाबत सरपंच राजश्री संतोष कुरकुटे यांनी सांगितले की, संबधित ठेकेदाराने नविन पत्रे टाकताना जुने खांब बदलून नविन लोखंडी खांब बसवणे गरजेचे होते, परंतु जुनेच खांब वापरले. त्यामुळे अवघ्या दीड महिन्यातच छत कोसळले. जिल्हा परिषदेने संबधित ठेकेदाराकडून हे छत त्वरीत दुरुस्त करुन घ्यावे. कोरोनोमुळे शाळा बंद असल्याने कोणासही दुखापत झाली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.