PNE26W53849
सोलापूर : ष.ब्र. सदाशिव शिवाचार्य महास्वामी व गायत्री बिराजदार.

सदाशिव शिवाचार्य महास्वामी,
गायत्री बिराजदार यांचा श्रीलंकेत सन्मान
‘द ग्लोबल अचीव्हर्स ॲवॉर्ड २०२६’ने कार्याचा गौरव
सकाळ वृत्तसेवा
सोलापूर, ता. ३ : ष.ब्र. १०८ सद्‍गुरू सदाशिव शिवाचार्य महास्वामी व गायत्री बिराजदार यांचा श्रीलंकेत सन्मान झाला. शिक्षण, समाजसेवा, धार्मिक, सांस्कृतिक व मानवतावादी कार्याची दखल घेतली. कोलंबो येथील पेगासस रिफ येथे पुरस्कार सोहळा झाला.
सद्‍गुरू सदाशिव शिवाचार्य महास्वामी धार्मिक व आध्यात्मिक क्षेत्रात कार्यरत आहेत. त्यासोबत ते समाजसेवाही करतात. ‘समाजाचे आपण सेवक आहोत’ या भावनेतून ते काम करतात. व्यसनाधीनता, अंधश्रद्धा, पाखंडपणा व सामाजिक अनिष्ट प्रथांविरोधात जनजागृती करतात.
मठाच्या माध्यमातून गुरुकुल चालविले जाते. येथे संस्कारक्षम व मूल्याधिष्ठित शिक्षण दिले जाते. आर्थिकदृष्ट्या दुर्बल व होतकरू विद्यार्थ्यांना शिष्यवृत्ती दिली जाते. शैक्षणिक साहित्याचेही वाटप केले जाते. गायत्री बिराजदार १६ वर्षांहून अधिक काळ शिक्षण क्षेत्रात कार्यरत आहेत. ग्रामीण व दुर्गम भागातील विद्यार्थ्यांसाठी त्या काम करतात. महाराष्ट्र-कर्नाटक सीमावर्ती भागातही त्यांचे कार्य आहे. त्यांनी १२ वर्षे कोणतेही वेतन अथवा मानधन घेतले नाही. विनामूल्य शिक्षणसेवा बजावली. धार्मिक कार्यासोबत शैक्षणिक, सामाजिक, सांस्कृतिक व मानवतावादी क्षेत्रातील योगदानाची दखल घेण्यात आली. त्याबद्दल दोघांना ‘द ग्लोबल अचीव्हर्स ॲवॉर्ड २०२६’ प्रदान करण्यात आला.