सहकारनग(पुणे) : सहकारनगर परिसरातील अंतर्गत रस्त्यांची खोदाई सुरू आहे. सध्या याठिकाणी एमएनजीएल गॅस लाईन व एलएनटीच्या पाण्याचा पाईप लाईनची कामे सुरू असल्याने रस्ते खोदाई केली आहे. तसेच सहकारनगर भागात चांगले पदपथ काढून तेथे नवीन पदपथ बांधण्यात येत आहेत. सामान्य नागरिकांच्या करातून झालेल्या पैशाची अक्षरशः उधळपट्टी केली जात असल्याचा आरोप नागरिक करीत आहेत. यावेळी अमित अभ्यंकर (सहकारनगर) म्हणाले, ''सहकारनगरमधील अंतर्गत रस्ते खोदाई करून ठेवले आहेत. सर्व कामे अर्धवट करून ठेवल्याने सहकारनगर भागाला भकासपणा आला आहे. रस्त्यावर राडारोडा तसाच पडला आहे. यामुळे ज्येष्ठ नागरिक व पादचाऱ्यांना रस्त्यावरून जाणे अवघड झाले आहे.''

यावेळी नितीन करंदीकर म्हणाले, ''सहकारनगर तुळशीबागवाले कॉलनी दशभुजा गणपती मार्गावर गॅस पाईपलाईन टाकून पंधरा दिवस झाले तरी खड्डे भरले गेले नाहीत. यामुळे पादचाऱ्यांची गैरसोय होत आहे. यामुळे येथील ज्येष्ठ नागरिक वाढत्या खोदाईला हैराण झाले आहेत.

 हेही वाचा - स्‍वयंपाकगृह ते थेट 'CA'! गिरणी व्‍यावसायिकाच्या लेकीची उत्तुंग भरारी

हेही वाचा - दशक्रियाची विधी पडली महागात! वारंवार सांगूनही नियमांची एैशीतैशी; परिसरात खळबळ

यावेळी प्रज्ञा पोतदार-पवार (सहाय्यक आयुक्त मनपा सहकारनगर-धनकवडी क्षेत्रीय कार्यालय) म्हणाल्या, सहकारनगर भागातील रस्ते खोदाई करून रस्त्यावर राडारोडा पडला असेल तर तो क्षेत्रीय कार्यालय मार्फत काढण्यात येईल.