पुणे Coronavirus - कोरोनाचे रुग्ण आणि संशयितांचे यादीनिहाय विलगीकरण, गरम-गरम नाश्‍ता आणि जेवण, दिवसातून तीन वेळा स्वच्छता आणि देखमालीसाठी वाढविलेले कर्मचारी, अशा विविध उपाययोजना महापालिका प्रशासनाने बालेवाडी येथील संक्रमण शिबिरात मंगळवारी (ता.29) तातडीने केल्या. महत्त्वाचे म्हणजे, अनावश्‍यक नागरिकांना तेथून घरी जाण्याची तर काही जणांना काही अटींवर घरीच क्वारंटाइन राहण्याची मुभाही देण्यात आली. 

ताज्या बातम्यांसाठी डाऊनलोड करा ई-सकाळचे ऍप

पुण्याच्या बातम्या वाचण्यासाठी येथे ► क्लिक करा 

‘संक्रमण शिबिरे; रोगापेक्षा इलाज भयंकर’ अशा आशयाचे वृत्त ‘सकाळ’मध्ये मंगळवारी प्रसिध्द झाले. त्यात कोरोनाचे रुग्ण आणि संशयित यांना दोन-दोन दिवस एकत्र ठेवणे, पॉझिटिव्ह रुग्णांवर तातडीने उपचार सुरू न करणे, निकृष्ठ दर्जाचे जेवण साध्या कॅरीबॅगमधून देणे, अपुरी स्वच्छतागृहे अशा विविध गैरसोयींचा उहापोह करण्यात आला होता. त्यानंतर महापालिका प्रशासन खडबडून जागे झाले. सर्वप्रथम नाश्‍ता-जेवण पुरविणारा ठेकेदार बदलण्यात आला. त्या पाठोपाठ महापालिकेच्या सफाई कर्मचाऱ्यांची गाडी आली आणि साफ-सफाई सुरू झाली तर दुसरीकडे पॉझिटिव्ह, निगेटिव रुग्णांच्या याद्या घेऊन महापालिका अधिकाऱ्यांनी विलगीकरण सुरू केले. त्यामुळे येथील अनागोंदी कमी होऊन सर्वसामान्य नागरिकांच्या जीवाशी सुरू असलेला खेळही थांबण्यास मदत झाली.दूसरीकडे गरज नसतांना तेथे ठेवण्यात आलेल्या 24 नागरिकांना घरी जाण्यास सशर्त परवानगी दिल्याने त्यांनीही सुटकेचा नि:श्‍वास सोडला. सहायक आरोग्य अधिकारी डॉ. जयंत कांबळे, डॉ. पाचूंदकर मॅडम, माजी नगरसेवक बाळासाहेब भामरे आदींनी याकामी पुढाकार घेतला. 

पुण्याच्या बातम्या वाचण्यासाठी येथे ► क्लिक करा 

बालेवाडी संक्रमण शिबिरातील गैरसोयींची तातडीने दखल घेऊन तातडीने सुधारणा करण्यात येत आहेत. केटरर बदलण्यात आला असून स्वच्छता आणि इतर मूलभूत सुविधांबाबत तातडीने उपाययोजना करण्यात येत आहेत. मी स्वत: भेट देत देऊन पाहणी करतो. 
- राजेंद्र मुठे, उपायुक्त, पुणे महापालिका.