जुन्नर : (दत्ता म्हसकर) येथील माजी सैनिक व वनरक्षक रमेश खरमाळे यांना सकाळ सन्मान पुरस्कार जाहीर झाला आहे.

'सकाळ'च्या मुंबई आवृत्तीच्या ५३ व्या वर्धापन दिनानिमित्त आयोजित सकाळ सन्मान सोहळ्यात शनिवार ता. ३ फेब्रुवारी रोजी संध्याकाळी मुंबई येथे मुख्यमंत्री एकनाथ शिंदे, उपमुख्यमंत्री देवेंद्र फडणवीस,अजित पवार व भारतीय राष्ट्रीय काँग्रेसचे महासचिव मुकुल वासनिक यांच्या उपस्थितीत समारंभपूर्वक हा पुरस्कार देण्यात येणार आहे.

खरमाळे यांनी महाराष्ट्राचा समृद्ध वारसा पुढे आणण्यासाठी १३४ किलोमीटर प्रवास करून १३ किल्ले यशस्वी पादाक्रांत केलात. घामणखेल ता.जुन्नर येथील डोंगरमाथ्यावर पत्नीसह ३०० तास काम करून दोघांनी ७० जलशोषक समतलचर खोदून मोठे काम केले आहे. किल्ले, लेणी, पुरातन वास्तू, घाट, मंदिरे आणि देवराई यांना प्लास्टिक मुक्त करण्यासाठी विविध मोहिमा आखून पर्यटकांमार्फत स्वच्छता उपक्रम राबविले आहेत.