पुणे - देशामध्ये पर्यटन करताना आपण वेगवेगळ्या प्रकारचे फोटो काढतो. अशा आगळ्यावेगळ्या अन्‌ खास फोटोंना हक्काचे व्यासपीठ देण्यासाठी ‘सकाळ माध्यम समूहा’ने ‘सकाळ ट्रॅव्हल फोटोग्राफर ऑफ द इअर - २०२०’ ही स्पर्धा आयोजिली आहे. या स्पर्धेस ट्रॅव्हलर कंपनीचे संदीप देसाई यांचे सहकार्य लाभले आहे. ही स्पर्धा सर्वांसाठी खुली आहे.

या स्पर्धेमध्ये तुम्ही स्वतः काढलेली छायाचित्रे दाखल करू शकता. त्यामध्ये १) Landscape (भूप्रदेश), २) Street and People (रस्ते आणि लोक), ३) Dawn to Dusk (सूर्योदय ते सूर्यास्त), (४) Structures (संरचना) यांचा समावेश आहे. 

ताज्या बातम्यांसाठी डाऊनलोड करा ई-सकाळचे ऍप

वरील प्रत्येक विषयांतील प्रत्येकी चार छायाचित्रे तुम्हाला स्पर्धेसाठी पाठविता येणार आहेत. आपण काढलेली छायाचित्र नोंदणी व माहिती भरून travel.esakal.com या लिंकवर पाठवू शकता.

या स्पर्धेसंबंधी नियम व अटी लिंकवर दिल्या आहेत. त्यानुसारच छायाचित्रे स्वीकारले जातील. परीक्षकांनी निवडलेल्या निवडक छायाचित्रांचे प्रदर्शन पंडित फार्म, कर्वेनगर, डीपी रोड येथे २४, २५ आणि २६ जानेवारी रोजी आयोजित ‘सकाळ हॉलिडे कार्निव्हल २०२०’ मध्ये मांडणार आहे. 

या स्पर्धेमधून ‘सकाळ ट्रॅव्हल फोटोग्राफर ऑफ द इअर’ हे पारितोषिक तसेच वरील प्रत्येक विषय विभागातून तीन पारितोषिके देणार आहेत.
अधिक माहितीसाठी संपर्क ः प्रवीण : ७३८७७१०४०४