साक्षी शेवतेची वायुसेनेत भरारी

‘अग्निवीर’मधून निवड; सर्व स्तरातून होतेय कौतुक

भुईंज, ता. २ : येथील साक्षी शेवते हिने भारतीय हवाई दलात भरारी घेतली आहे. तिने एअरफोर्स अग्निवीर अॅडमिशन टेस्ट या प्रवेश परीक्षेच्या गुणवत्ता यादीत उज्ज्वल यश मिळवले. कागल येथील वायुसेना अकादमीमध्ये तिचे प्रशिक्षण सुरू होणार आहे.
साक्षीचे दहावीपर्यंतचे शिक्षण भुईंज येथील महालक्ष्मी शिक्षण संस्थेच्या प्रियदर्शिनी गर्ल्स हायस्कूलमध्ये झाले, त्यानंतर बारावीचे शिक्षण भुईंज येथे झाल्यानंतर तिने पुणे येथे ॲकॅडमीत दोन वर्षे सराव केला. त्यानंतर तिने मुंबई येथे एअरफोर्स अग्निवीर परीक्षा दिली. त्यानंतर सप्टेंबर महिन्यात परीक्षा पास झाली. बंगळूर येथे झालेल्या चाचणीत ती उत्तीर्ण झाली आहे. नुकतीच ती बेळगाव येथील एअरफोर्स कॅम्पमध्ये प्रशिक्षणासाठी दाखल झाली.
या यशाबद्दल तिचे माजी आमदार मदन भोसले, रयत शिक्षण संस्थेचे जनरल बॉडी सदस्य भय्यासाहेब जाधवराव, शालेय शिक्षण व्यवस्थापन समितीचे अध्यक्ष सुधाकर भोसले, डॉ. नीलिमा भोसले, डॉ. सुरभी भोसले- चव्हाण, संगीता शिंदे- जाधवराव, विजय वेळे, दौलतराव भोसले, जगन्नाथ दगडे, प्रशांत जाधवराव, रवींद्र भोसले, प्रफुल्ल शिंदे आदींनी अभिनंदन केले.
------------------------------
01401
भुईंज ः साक्षी शेवते हिचा सत्कार करताना मदन भोसले, विजय वेळे, दौलतराव भोसले,
प्रशांत जाधवराव, डॉ. सुरभी चव्हाण- भोसले आदी.
-----------------------------