पुणे : बारामती लोकसभा मतदार संघातून भारतीय जनता पक्षाच्या उमेदवारीवर निवडणूक लढवायची का, याचा विचारविनिमय करण्यासाठी संजय काकडे यांनी सिंहगड रस्ता परिसरातील आठ-दहा नगरसेवकांची मंगळवारी रात्री बैठक घेतली. 

या बैठकीला काही प्रमुख कार्यकर्ते देखील उपस्थित होते. भाजपच्या उमेदवारीवर निवडणूक लढवायची झाल्यास त्याची तयारी काय करावी लागेल, खडकवासला विधानसभा मतदारसंघातून किती मतदान होऊ शकेल, याबाबतचा विचार विनिमय या बैठकीत झाल्याचे समजते. 

मात्र याबाबतचा अंतिम निर्णय आज दिवसभरात घेऊन मुख्यमंत्र्यांना कळविले जाईल, असे संजय काकडे यांच्या निकटवर्तीयांनी 'सकाळ'शी बोलताना सांगितले.