संत सदगुरु गोदड महाराज यांचे छायाचित्र आहे.
----------------------------

गोदड महाराज जन्मोत्सव उत्साहात
कर्जत, ता. २२ : ग्रामदैवत संत सद्‍गुरु गोदड महाराज जन्मोत्सव सोहळा संत गोदड महाराज समाधीस्थळी आणि पाटील गल्लीतील जन्मस्थळावरील ध्यान मंदिरात मोठ्या उत्साहात आणि भक्तिभावाने पार पडला.
गोडद महाराज गल्ली समाधीस्थळी येथे सकाळी १० ते १२ या वेळेत माउली महाराज पठाडे यांचे कीर्तन झाले. त्यानंतर दुपारी १ ते रात्री ९ या वेळेत भाविकांनी शिपी आमटीच्या महाप्रसादाचा लाभ घेतला. यावेळी कर्जत पंचक्रोशीतील गावकरी, मानकरी, पुजारी, व्यापारी, भजनी मंडळे, जन्मोत्सव समितीने सोहळा यशस्वी होण्यासाठी परिश्रम घेतले.
जन्मस्थळ ध्यानमंदिर येथे सकाळी ९ ते ११ या वेळेत दयानंद महाराज कोरेगावकर यांचे कीर्तन झाले. त्यानंतर लक्ष भोजनाचे आयोजन करण्यात आले होते. सोहळा यशस्वी करण्यासाठी संत सद्‍गुरु गोदड महाराज जन्मस्थळ मंदिर ट्रस्ट, प्रवीण घुले पाटील मित्रमंडळ, भजनी मंडळ आणि नागरिकांनी परिश्रम घेतले.
---------------