​सासवड : सासवड (ता.पुरंदर) येथील सामाजिक कार्यकर्ते व स्व. एकनाथकाका जगताप प्रतिष्ठानचे संस्थापक अध्यक्ष संतोष ए. जगताप यांची भाजप पुणे जिल्हा (ग्रामीण) एनजीओ आघाडीच्या जिल्हा संयोजकपदी नियुक्ती करण्यात आली आहे. जिल्हाध्यक्ष चंद्रशेखर वढणे यांनी त्यांना नुकतेच नियुक्तीपत्र प्रदान केले. यावेळी भाजपचे ज्येष्ठ नेते गिरीश जगताप, भानूकाका जगताप, शहराध्यक्ष आनंद जगताप, साकेत जगताप, सचिन पठारे, माधव शिवरकर उपस्थित होते. या नियुक्तीबद्दल जिल्ह्यातील राजकीय आणि सामाजिक स्तरातून त्यांचे अभिनंदन होत आहे. दरम्यान, पुणे जिल्ह्यातील प्रत्येक तालुक्यात स्वयंसेवी संस्थांचे जाळे निर्माण करून शिक्षण, आरोग्य, रोजगार आणि पर्यावरण रक्षणाला मी प्राधान्य देणार आहे, असे संतोष जगताप यांनी सांगितले.