मुंबई : सावित्रीबाई फुले पुणे विद्यापीठानं एक जागतीक विक्रम नोंदवला आहे. स्वातंत्र्याच्या अमृत महोत्सवांतर्गत विद्यापीठाच्या ऑनलाईन फोटोला अल्बमची नोंद गिनेस बुक ऑफ वर्ल्ड रेकॉर्डमध्ये झाली आहे. उपमुख्यमंत्री देवेंद्र फडणवी यांनी ट्विटद्वारे ही माहिती दिली. तसेच सर्वांचं अभिनंदनही केलं. (Savitribai Phule Pune University made World Record Devendra Fadnavis congratulated)

फडणवीसांनी विद्यापीठाचा फोटो, गिनेस बुक ऑफ वर्ल्ड रेकॉर्डचं प्रमाणपत्र ट्विट करत याबाबत माहिती दिली. त्यांनी म्हटलं, चांगली बातमी! पुन्हा एकदा सावित्रीबाई फुले पुणे विद्यापीठाने गिनीज बुक ऑफ वर्ल्ड रेकॉर्ड नोंदवला. राष्ट्रध्वज धारण करणाऱ्या लोकांच्या सर्वात मोठा ऑनलाइन फोटो अल्बमची ही नोंद आहे. छायाचित्रांची एकूण संख्या १ लाख ५२ हजार ५५९ आहे, असं सांगताना त्यांनी पुणे विद्यापीठाची टीम आणि प्रत्येक सहभागींच अभिनंदनही केलं.