Artificial Intelligence - पारगाव शिरदाळे ता. आंबेगाव येथील सर्वसामान्य शेतकरी कुटुंबातील तालुक्यातील संकेत सुभाष काचोळे या तरुणाने कृत्रिम मानवी मेंदू तयार करणे या महत्वपूर्ण विषयावर तयार केलेल्या संशोधनाची कॅनडा देशात 19 जुनला होणाऱ्या प्रतिष्ठित आंतरराष्ट्रीय परिषदेसाठी निवड झाल्याने संकेत काचोळे याचे परिसरात कौतुक होत आहे.

आंबेगाव तालुक्यातील पुर्व भागात डोंगरावर वसलेले जेमतेम चारशे ते पाचशे लोकसंख्या असलेले शिरदाळे हे छोटेसे गाव आहे, कायमस्वरूपी दुष्काळ तसेच खडक माळरानावर वसलेले गाव अशी या गावाची ओळख आहे. येथील संकेत काचोळे हा चार वर्षांपूर्वी लंडन येथील किंग्स्टंन विद्यापीठामध्ये कृत्रिम मानवी मेंदू तयार करणे.

या महत्वपूर्ण विषयावरती संशोधन करण्यासाठी गेला होता गेल्या चार वर्षापासून त्याने जिद्द अथक प्रयत्नाने तसेच मेहनतीने हे संशोधन केले आहे, त्याच्या या मेहनीतीला खऱ्या अर्थाने यश मिळाले असून येत्या 19 जूनला कॅनडामध्ये होणाऱ्या प्रतिष्ठित आंतरराष्ट्रीय परिषदेसाठी त्याच्या या संशोधनाची निवड झाली लवकरच जागतिक स्तरावरील तज्ञांसमोर संशोधन सादर करण्याची संधी त्याला भेटणार आहे.

संकेतचे संपूर्ण शालेय शिक्षण निगडी प्राधिकरण शिक्षण संस्थेत झाले असले तरी त्याने आपली गावाशी असणारी नाळ कायम घट्ट ठेवलेले आहे, संकेत चे वडील सुभाष काचोळे हे एक यशस्वी उद्योजक असून त्यांनी शिरदाळे गावचे पाच वर्ष सरपंचपद भूषवलेले आहे.

संकेत काचोळे