SET Exam 2023 Result Date & Time : महाराष्ट्र आणि गोवा राज्यातील प्राध्यापक पात्रता परीक्षा अर्थात सेटचा निकाल २८ जून रोजी घोषित करण्यात येणार आहे. सावित्रीबाई फुले पुणे विद्यापीठाच्या वतीने संकेतस्थळावर यासंबंधीची सूचना देण्यात आली आहे.

मार्च महिन्यातील २६ तारखेला राज्यभरातील विविध केंद्रावर ही परीक्षा घेण्यात आली होती. जवळपास एक लाख १९ हजार विद्यार्थ्यांनी ही परीक्षा दिली असून, अंतिम उत्तरतालीका आल्यानंतर सर्वच विद्यार्थी अंतिम निकालाच्या प्रतिक्षेत होते. (Latest Marathi News)

काही दिवसांपूर्वी विद्यापीठाने लवकरच निकाल घोषीत करू असे सांगितले होते. पण त्यासंबंधीचे नोटीफिकेशन संकेतस्थळाहून हटवल्याने विद्यार्थी संभ्रमावस्थेत होते. अखेरीस विद्यापीठाने सेटच्या निकालाची अधिकृत घोषण केल्यामुळे विद्यार्थ्यांचा जीव भांड्यात पडला आहे. अधिक माहितीसाठी https://setexam.unipune.ac.in/ या संकेतस्थळाला भेट द्यावी.