पुणे - शास्त्रीय नृत्य आणि संगीत यांचा मिलाफ असलेल्या शनिवारवाडा नृत्य महोत्सवाचे रविवारी (ता. १६) आयोजन करण्यात आले आहे. शनिवारवाड्याच्या प्रांगणात संध्याकाळी साडेसहा वाजता हा महोत्सव सुरू होईल. गणेशवंदना, भरतनाट्यम आणि कथ्थक नृत्याविष्कार ही यंदाच्या महोत्सवाची मध्यवर्ती कल्पना आहे.
शुमिता महाजन विद्यार्थिनींसमवेत गणेशवंदना, वैभव आरेकर यांनी भरतनाट्यममधून सादर केलेली वारकरी संप्रदायाची महती आणि दिल्लीच्या अभिमन्यू लाल आणि विधा लाल यांनी सादर केलेला कथ्थक नृत्याविष्कार यंदाच्या महोत्सवाचे वैशिष्ट्य असणार आहे. महोत्सवाच्या कार्यकारिणीमध्ये जॅकी श्रॉफ, सबीना संघवी, गायत्रीदेवी पटवर्धन, मनीषा साठे, वर्षा चोरडिया, नीलम सेवलेकर, पारूल मेहता, मौसमी सणस आणि महोत्सव समन्वयक तानाजी जाधव यांचा समावेश आहे.
यंदाच्या महोत्सवाचे मुख्य प्रायोजक रोझरी स्कूल असून, सहप्रायोजक वीकफिल्ड, फाइव्ह एफ वर्ल्ड, ऑक्सफर्ड ग्रुप, हॉटेल ओ, प्युअर गोल्ड चॉकलेट, जॅकी श्रॉफ आणि ‘सकाळ’ आहेत. प्रथम येणाऱ्यास प्रथम प्राधान्य, याप्रमाणे आसनव्यवस्था उपलब्ध करण्यात आली असल्याचे आयोजकांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.