शिर्डी-हैदराबाद एसटी बससेवा सुरू

अहिल्यानगर, ता.२८ ः राज्य मार्ग परिवहन महामंडळाच्या कोपरगाव आगारामार्फत शिर्डी ते हैदराबाद एस. टी. बससेवा सुरू करण्यात आली असून, बसफेरी रोज संध्याकाळी ५ वाजता मार्गस्थ होऊन नगरमधील तारकपूर बसस्थानक येथे संध्याकाळी ७.१५ व स्वस्तिक बसस्थानक येथून संध्याकाळी ७.३० वाजता सुटणार आहे.

ही बस जामखेड, भूम, येरमाळा, येडशी, धाराशिव, तुळजापूर, नळदुर्ग, उमरगा, बसवकल्याण फाटा, हुमनाबाद, जहिराबाद, संगारेड्डी, लिंगमपल्ली मार्गे हैदराबाद येथे दुसऱ्या दिवशी सकाळी ८ वाजता हैद्रादराबाद येथील एमजीबीएस (महात्मा गांधी बसस्थानक) येथे पोहोचेल, तसेच परतीचा प्रवास दररोज संध्याकाळी एमजीबीएस (महात्मा गांधी बसस्थानक) येथून संध्याकाळी ६ वाजता सुटेल. बस आरक्षण सेवेला उपलब्ध असून, सदर बससेवेचा प्रवाशांनी अधिकाधिक लाभ घ्यावा, असे आवाहन राज्य मार्ग परिवहन महामंडळाच्या कोपरगाव आगारातर्फे करण्यात आले आहे.