UPR26B07497
कोर्टी (पंढरपूर) : येथे शिवप्रतिमेच्या पूजनप्रसंगी नागेश फाटे, मुस्लिम व मराठा बांधव.
---
कोर्टीत सामाजिक सलोख्याचे दर्शन
पंढरपूर : कोर्टी (ता. पंढरपूर) येथील ज्योतिर्लिंग बहुउद्देशीय समाजसेवी संस्थेच्या वतीने आयोजित करण्यात आलेल्या शिवजयंती उत्सवात येथील मुस्लिम बांधव गुलाब मुलाणी यांच्या हस्ते शिवप्रतिमेचे पूजन करण्यात आले. यावेळी संस्थेचे अध्यक्ष नागेश फाटे, डॉ. रमेश फाटे, शुभम फाटे, शशांक फाटे, संतोष पुणेकर, ओंकार कथले आदींसह अनेक पदाधिकारी आणि शिवप्रेमी उपस्थित होते. यावेळी मंडळाचे अध्यक्ष फाटे म्हणाले की, स्वराज्य स्थापनेच्या वेळी सर्व धर्मांचे व समाजांचे मावळे छत्रपती शिवाजी महाराजांसोबत होते. छत्रपती शिवाजी महाराजांना अभिप्रेत असलेला सर्वधर्म समभाव, समता, बंधुत्व आणि एकता ही तत्त्वे पुढच्या काळामध्ये टिकून राहावीत, यासाठी सर्व समाजाला सोबत घेऊन छत्रपती शिवाजी महाराजांसोबतच सर्वच महापुरुषांच्या जयंती व उत्सव साजरे करण्याची गरज आहे.