सिंहगड रस्ता, ता. ९ : ‘‘छत्रपती शिवाजी महाराजांचे प्राण वाचवण्यासाठी आपल्या प्राणांचे बलिदान देणारे शिवरक्षक शिवाजी काशीद यांचे कार्य प्रेरणादायी असून ते स्वामिनिष्ठेचे मूर्तिमंत प्रतीक आहेत,’’ असे प्रतिपादन सिंहगड रस्ता क्षेत्रीय कार्यालयाचे अध्यक्ष सचिन मोरे यांनी केले.
सिंहगड रस्ता नाभिक मंडळ आणि बारा बलुतेदार संघातर्फे आयोजित माणिकबागेतील वीर शिवाजी काशीद जयंती कार्यक्रमात ते बोलत होते. कार्यक्रमाच्या अध्यक्षस्थानी ज्योती गोसावी होत्या. या वेळी नगरसेवक प्रसन्न जगताप, काकासाहेब चव्हाण, सुनील पांडे, स्वप्नाली पंडित आदी उपस्थित होते. कार्यक्रमाचे नियोजन नितीन भुजबळ, हेमंत श्रीखंडे आदींनी केले.