शिवाजीनगर, ता. १९ : नाल्यात विनापरवाना खोदाई करून काम केल्याप्रकरणी योग्य ती कार्यावही करावी, असे पत्र शिवाजीनगर घोले रस्ता क्षेत्रीय कार्यालयाने कार्यकारी अभियंता बांधकाम विकास विभाग, झोन क्रमांक सहा यांना दिले आहे. बीएससीसी रस्त्याजवळील एच. व्ही. सरदेसाई, भरत पाठक यांच्या बंगल्याशेजारील नैसर्गिक नाल्यात विनापरवाना खोदाई करून सिमेंटचे पाईप बसवण्यात आले आहेत. नैसर्गिक नाला, ओढ्यात काम करायचे असेल तर महापालिकेची परवानगी आवश्यक असते; परंतू कोणतीही परवानगी न घेता काम केल्याने संबंधित काम होईपर्यंत अधिकारी शांत का होते, असा प्रश्न उपस्थित होत आहे. आमच्या मलःनिस्सारण विभागाकडून प्रत्यक्ष जागेची पाहणी करण्यात आली. तेथे विनापरवाना काम चालू असल्याचे निदर्शनास आले. त्यानुसार आम्ही पुढील कार्यवाहीसाठी बांधकाम विभागाला पत्राद्वारे कळविले आहे, असे घोले रस्ता क्षेत्रीय कार्यालयाचे सहाय्यक आयुक्त बाळासाहेब ढवळे-पाटील यांनी सांगितले.