मंचर (पुणे) : आंबेगाव तालुक्‍यातील मंचर येथे राहणाऱ्या 32 वर्षाच्या वकील तरुणीने राहत्या घरात पंख्याला ओढणीने गळफास घेऊन आत्महत्या केल्याची घटना रविवारी (ता. 10) घडली. रूपाली वसंत थोरात (रा. मंचर, ता. आंबेगाव) असे या वकील तरुणीचे नाव आहे. या घटनेमुळे मंचर शहरात खळबळ उडाली आहे. घोडेगाव न्यायालयात त्या वकिली व्यवसाय करत होत्या.
मंचर येथे जुन्या चांडोली रस्त्यालगत चाळीस बंगला सोसायटीसमोर विठ्ठल ओंकार इमारतीत सदनिका क्र. 403 मध्ये रूपाली थोरात व तान्हाजी रामचंद्र जाधव हे दोघेजण राहत होते. रविवारी सकाळी रूपाली थोरात यांनी ओढणीने पंख्याला गळफास घेऊन आत्महत्या केल्याचे इमारतीत राहणाऱ्या काही लोकांच्या लक्षात आले. त्यावेळी तान्हाजी जाधव तेथे नव्हते.
पुण्याच्या इतर बातम्या वाचण्यासाठी येथे क्लिक करा
नागरिकांनी मंचर पोलिसांना घटनेची माहिती कळविली. पोलिस निरीक्षक कृष्णदेव खराडे व पोलिस नाईक जी. ए. डावखर यांनी ताबडतोब घटनास्थळी भेट देऊन पाहणी केली. तेथे एक चिठ्ठी मिळाली आहे. त्यात, "माझ्या आत्महत्येस कोणालाही जबाबदार धरू नये' असे नमूद केले आहे. या प्रकरणी मंचर पोलिस पुढील तपास करत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.