जुनी सांगवी - दापोडी, नवी सांगवीत महाविकास आघाडीने पुकारलेल्या महाराष्ट्र बंदला व्यापारी दुकानदारांनी प्रतिसाद देत कडकडीत बंद पाळला. व्यापा-यांनी स्वत: दुकाने बंद ठेवून बंदला प्रतिसाद दिला. जुनी सांगवीत राष्ट्रवादी काँग्रेसच्या वतीने माजी नगरसेवक प्रशांत शितोळे, नवी सांगवी पिंपळे गुरव येथे माजी नगरसेवक राजेंद्र जगताप, दापोडी येथे नगरसेविका स्वाती काटे, राजु बनसोडे यांनी रविवारी सायंकाळी व्यापा-यांना बंद पाळण्याबाबत आवाहन केले होते. सांगवी, नवी सांगवी, दापोडी परिसरात अत्यावश्यक सेवा वगळता कडकडीत बंद पाळण्यात आला.

तर काही दुकानदारांनी शटरबंद दुकान मात्र सुरू ठेवून मागील दाराने व्यवसाय सुरू ठेवला. दापोडी जुनी सांगवी भागात कडकडीत बंद पाळण्यात आला. पोलिस प्रशासनाकडूनही परिसरातील मोक्याच्या ठिकाणी चोख व्यवस्था ठेवण्यात आली होती.