पुणे : भारतीय जनता पक्ष-शिवसेना महायुतीचे शिवाजीनगर मतदारसंघातील अधिकृत उमेदवार सिद्धार्थ शिरोळे मंगळवारी (ता.8) सकाळी प्रचाराच्या धामधुमीतून वेळ काढत राष्ट्रीय स्वयंसेवक संघाच्या विजयादशमी संचलनात सहभागी झाले होते.
राष्ट्रीय स्वयंसेवक संघाच्या स्थापना दिनानिमित्त शहरात मंगळवारी ठिकठिकाणी संचलन करण्यात आले. यापैकी संघाच्या पुणे महानगराच्या विद्यापीठ भागातील शिवाजीनगर परिसरात आयोजित संचलनात सिद्धार्थ शिरोळे संघाच्या पूर्ण गणवेशासह सहभागी झाले होते.
मंगळवारी सकाळी सात वाजता नरवीर तानाजी वाडी येथील खाशाबा जाधव शाळेपासून या संचलनास सुरूवात झाली. शिवाजीनगर बसस्थानक, इराणी वस्ती, पीएमसी कॉलनी, मुंबई-पुणे महामार्ग या मार्गावरून पुन्हा शाळेपाशी येत संचलनाचा समारोप झाला. या संचलनात एकूण २५० स्वयंसेवकांनी भाग घेतला.
नगराचे संघचालक डॉ. अविनाश वाचासुंदर, माजी खासदार अनिल शिरोळे, विद्यापीठ भागाचे सहकार्यवाह संजय एडके, जनता सहकारी बँकेचे संचालक बीरू खोमणे, सुभाष जेऊर, दिलीप पळशीकर, राहूल भोर, सुधीर आल्हाट यांच्यासह अनेक मान्यवरांनी संचलनात सहभाग नोंदवला. संचलनाच्या मार्गावर आकर्षक रांगोळी, फुलांच्या पायघड्या घालण्यात आल्या होत्या. संचलनात सहभागी स्वयंसेवक आणि भगव्या ध्वजावर ठिकठिकाणी पुष्पवृष्टी करण्यात येत होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.