पुणे : पुणे आणि पिंपरी-चिंचवडमधील लॉकडाउन आज मध्य रात्रीपासून संपुष्टात येत आहे. त्यामुळं उद्यापासून शहरांमध्ये कशी परिस्थिती असेल, याविषयी उत्सुकता होती. या संदर्भात आज विभागीय कार्यालयातील विशेष अधिकारी सौरव राव यांनी पत्रकारांशी संवाद साधून माहिती दिली. 
 

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे क्लिक करा

सौरव राव म्हणाले, 'उद्यापासून पुणे आणि पिंपरी चिंचवड परिसरातील लॉकडाउन संपष्टात येतोय. त्या निर्णयात कोणताही बदल नाही. परंतु, शहरात 13 जुलैपूर्वीचे स्थानिक प्रशासनाकडून घेण्यात आलेले नियम लागू होती. तर, राज्य सरकारने 31 जुलैपर्यंत लागू केलेल्या लॉकडाउनच्या नियमावलीचेही पालन करावं लागेल. सार्वजनिक ठिकाणी सोशल डिस्टंसिंगचे पालन करावे लागणार आहे.'

काय सुरू असेल?
आरोग्य सेवेशी निगडीत सर्वकाही
सर्व प्रकारची दुकाने
भाजी, मंडई, बेकऱ्या 
पेट्रोलपंप
दारूची दुकाने   
खासगी कार्यालये  
रात्रीची संचारबंदी कायम असणार

दोन दिवसांचा लॉकडाउन?
देशात बेंगळुरू, कोलकाता अशा शहरांमध्ये आठवड्यातून दोन दिवस लॉकडाउनचा नियम लागू करण्यात आला. तसा निर्णय पुण्यात होऊ शकतो का? असा प्रश्न सौरव राव यांना विचारण्यात आला. त्यावर राव म्हणाले, 'या संदर्भात सध्या चर्चा सुरू आहे. परंतु, अद्याप निर्णय झालेला नाही.' व्यापाऱ्यांना नियमावलीला विरोध करता येणार नाही, सरकारचे नियम पाळावे लागतील. मला आशा आहे की, पुण्यातील व्यापारी सर्व नियम पाळतील, अशी आशा राव यांनी यावेळी व्यक्त केली.