बारामती - विद्या प्रतिष्ठानच्या (Vidya Pratisthan) कला, विज्ञान व वाणिज्य महाविद्यालयातील स्पर्धा परीक्षा (Competititon Exam) केंद्रातील सोळा विद्यार्थ्यांनी (Students) पोलिस उपनिरीक्षक (PSI) पदाला गवसणी घातली आहे.

ग्रामीण भागातील मुलामुलींना पोलिस दलात भरती होण्यासाठी शास्त्रशुध्द प्रशिक्षण देण्यासाठी विद्या प्रतिष्ठानच्या विश्वस्त सुनेत्रा पवार यांनी पुढाकार घेतला होता. संस्थेच्या पोलिस भरतीपूर्व प्रशिक्षण केंद्रातून प्राजक्ता घुले, कल्याणी जावळे, प्रतीक्षा वणवे, अश्विनी कदम, दिपाली धालपे, संजय कोकरे, दत्तात्रय बाराते, शैलेश मोरे, अशोक नरोटे, नीलेश ओमासे, पृथ्वी बाराते, मनोज कदम, मनोज आळंद, शंकर पाटील, शुभम शिंदे, दीपक लोणकर यांनी पोलीस उपनिरीक्षक पदाची परिक्षा उत्तीर्ण होऊन एकाच वेळी भरती होतील, अशी माहिती महाविद्यालयाचे प्राचार्य डॉ भरत शिंदे यांनी दिली.

स्पर्धा परीक्षा मार्गदर्शन केंद्राचे समन्वयक डॉ. सुनिल ओगले मंगळवेढा पोलीस ठाण्याचे सहायक पोलिस निरीक्षक बापूसाहेब पिंगळे, डॉ. विलास बुवा, डॉ. संजय खिलारे, डॉ. सुनिल ओगले व स्वतः डॉ भरत शिंदे यांनी मार्गदर्शन केले.

या सोळा विद्यार्थ्यांमध्ये पाच मुली आहेत. जागतिक महिला दिनी त्यांची निवड झाली त्यामुळे महाविद्यालयात ख-या अर्थाने महिला दिन साजरा झाला असे प्रतिपादन सचिव अँड. नीलिमा गुजर यांनी केले.

संस्थेचे उपाध्यक्ष ॲड. अशोक प्रभुणे, खजिनदार युगेन्द्र पवार, सचिव ॲड. नीलिमा गुजर, विश्वस्त सुनेत्रा पवार, डॉ. राजीव शहा, किरण गुजर, मंदार सिकची, रजिस्ट्रार श्रीश कंबोज यांनी सर्व यशस्वी विद्यार्थ्यांचे अभिनंदन केले.