रामवाडी (पुणे) : वडगावशेरी परिसरात संचार बंदीची कडक अंमलबजावणी सुरू आहे. मात्र, आज भाजी मंडईत अक्षय तृतीये निमित्त आंबे तसेच भाजी खरेदी करताना नागरिकांकडून सोशल डिस्टन्सिंगला हरताळ फासला गेला. 

आणखी वाचा- पोलिसांनी खाक्‍या दाखवताच... 

वडगावशेरी भागात दिवसेंदिवस कोरोना रुग्णाची संख्या वाढत असून ही येथील नागरिकांमध्ये गांभीर्य दिसून येत नाही. सकाळी दहा वाजता जीवनावश्‍यक वस्तू खरेदी करणारे नागरिक बाहेर पडतात. तसेच या वेळेत विनाकारण फिरणारे या गर्दीत दिसून येत आहे.

आज भाजी व आंबे खरेदीसाठी नागरिकांनी प्रचंड गर्दी केली होती. या वेळी दोन व्यक्ती मधील सामाजिक अंतर न ठेवता जीव धोक्‍यात घालून खरेदी केली जात होती. 

पुण्याच्या इतर बातम्या वाचण्यासाठी येथे- क्लिक करा
 

मी साडे दहा वाजता भाजी खरेदी करण्यासाठी गेले होते. तिथे कोणीही नियम पाळत नव्हते. सोशल डिस्टन्सिंगचा नियम पाळून सर्वजण खरेदी करू या असे ओरडून सांगत असताना नागरिक माझ्या बोलण्याकडे लक्ष देत नव्हते. मी गर्दी पाहून खरेदी न करता घरी परत आले. 
-प्रियांका रायरकर, स्थानिक रहिवासी