पुणे

सोसायट्यांचे ‘जीएसटी’ला आव्हान

सकाळवृत्तसेवा

पिंपरी - एखाद्या गृहरचना संस्थेकडून सोसायटीच्या देखभालीसाठी प्रत्येक घरातून दर महिन्याला पाच हजार रुपये घेतले जात असतील, तर त्यांना वस्तू आणि सेवा कर (जीएसटी) भरणे अनिवार्य करण्यात आले आहे. शहरातील सोसायट्या याबाबत अनभिज्ञ असल्याचे बोलले जात असले, तरी येत्या सप्टेंबर महिन्यानंतर अशा सोसायट्यांना वस्तू आणि सेवा कर विभागाकडून नोटिसा येण्याची शक्‍यता आहे. 

दरम्यान, सोसायट्यांना अशा प्रकारच्या नोटिसा आल्यास यासंदर्भात न्यायालयात याचिका दाखल करणार असल्याचे पिंपरी-चिंचवड हाउसिंग फेडरेशनचे अध्यक्ष सुदेश राजे यांनी ‘सकाळ’ला सांगितले. दर महिन्याला घरटी पाच हजार रुपये घेणाऱ्या गृहरचना संस्थांना हा कर भरणे अनिवार्य करण्यात आले आहे. मात्र अनेक गृहरचना संस्थांनी यासंदर्भात वस्तू आणि सेवा कर विभागाकडे नोंदणी केलेली नसून कराचा भरणाही केलेला नाही. एक जुलै २०१७पासून लागू झालेला हा कर ३० सप्टेंबरपर्यंत भरणे अपेक्षित होते. मात्र तो न भरणाऱ्यांवर कारवाई करण्यात येणार आहे. वस्तू आणि सेवा कर विभागाला प्राप्तिकर विभागाकडून या संदर्भातील माहिती मिळणे शक्‍य आहे. ती माहिती हातात पडल्यानंतर त्याची तपासणी करून पुढील कार्यवाही करण्यात येणार असल्याचे समजते. शहरातील ९० टक्‍के सोसायट्यांनी वस्तू आणि सेवा कर विभागाकडे नोंदणी केलेली नाही. 

वस्तू आणि सेवा कर कायद्याच्या समावेश करण्यात आलेल्यांना याबाबत पूर्णपणे माहिती नाही. सोसायट्यांकडून जमा करण्यात येणारी रक्‍कम ही देखभालीसाठीच खर्च होते. त्यावर कोणत्याही प्रकारचा फायदा मिळवला जात नाही. त्यामुळे सोसायट्यांना हा कर लागू करणे पूर्णपणे चुकीचे आहे. सोसायट्यांना नोटिसा आल्या तरी, त्या मान्य कशा करायच्या हा प्रश्‍न आहे. सोसायट्यांना त्यातून वगळावे, यासाठी प्रयत्न सुरू आहेत. 
- विजय आवटी, प्रतिनिधी, चिखली मोशी हाउसिंग सोसायटी फेडरेशन

शहरातील गृहरचना सोसायट्यांची संख्या सुमारे - १,५००
घरटी पाच हजार रुपयांपुढे देखभाल खर्च घेणाऱ्या संस्था  - ३५० ते ४००

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

MG Road वरील खाऊ गल्लीत FDA ची धडक कारवाई; परवाना नसलेल्या पाच खाद्यविक्रेत्यांना व्यवसाय बंद करण्याचे आदेश

Yuzvendra Chahal 400 T20 Wickets: युझवेंद्र चहलने इतिहास रचला... ट्वेंटी-२०मध्ये असा पराक्रम करणारा पहिला भारतीय गोलंदाज

Youngest Demat Account Holder : वय अवघे ६ दिवस अन् थेट शेअर बाजारात एन्ट्री! १२ दिवसांचा जुना रेकॉर्ड मोडत दिल्लीच्या चिमुकल्याने रचला नवा विश्वविक्रम

Sudhir Mungantiwar : "आपलं सरकार इंग्रजांपेक्षाही वाईट..."; सुधीर मुनगंटीवार आक्रमक, मुख्यमंत्र्यांसमोरच मांडली भूमिका, नेमकं काय घडलं?

Latest Marathi News Live Update : सोनं-चांदी दरात पुन्हा घसरण; सोनं 2 हजार 800 रुपयांनी तर चांदी चार हजार रुपयांनी घसरली

SCROLL FOR NEXT